Грамадства66

У Гомелі звольнілі двух анколагаў пасля сутак за экстрэмізм. Адзін з іх — кандыдат навук, выдатнік аховы здароўя Беларусі

Двух дактароў-анколагаў, мужа і жонку Івановых, звольнілі з дзяржаўных устаноў у Гомелі. Пра гэта стала вядома «Флагштоку» ад аднаго з пацыентаў. Па ягоных звестках, звальненні адбыліся пасля таго, як медыкаў затрымалі ў траўні 2024 года і асудзілі на адміністрацыйны арышт за падпіскі на рэсурсы, абвешчаныя экстрэмісцкімі.

Сяргей і Вольга Івановы

Адзін са звольненых дактароў, Сяргей Іваноў — вядомы і паважаны спецыяліст у галіне пухлін галавы і шыі, кандыдат медыцынскіх навук, аўтар шматлікіх навуковых публікацый, вучэбна-метадычных дапаможнікаў, патэнтаў на вынаходства, мае званне «Выдатнік аховы здароўя Беларусі». 

Доктар з 36-гадовым стажам (разам з перыядам вучобы) працаваў у абласным анкалагічным дыспансеры і на кафедры анкалогіі Гомельскага медуніверсітэта, вёў прыём у прафесарскім кансультатыўным цэнтры ВНУ. «Флагшток» патэлефанаваў туды, каб спытаць, ці можна запісацца на прыём да спецыяліста. 

«Ён больш у нас не працуе, каля месяца дакладна не вядзе прыём. Паспрабуйце ў прыватных цэнтрах даведацца», — адказаў рэгістратар.

Скрыншот сайта прафесарскага кансультатыўнага цэнтра

У адрас доктара, які вёў прыём таксама ў прыватных медцэнтрах, на сервісе 103.by нядаўна пакідалі такія водгукі:

«Хачу выказаць вялікую падзяку доктару за прафесіяналізм, стаўленне да пацыентаў, за яго разумную галаву і залатыя рукі!» 

«Вялікі дзякуй за прафесіяналізм! Доктар кваліфікаваны, пісьменны, з вялікім досведам працы, сапраўды дапамог мне і ўсё вельмі падрабязна растлумачыў». 

Акрамя таго, Іваноў выкладаў ва ўніверсітэце для замежных студэнтаў — ён быў адным з нямногіх супрацоўнікаў ВНУ, хто мог чытаць лекцыі на англійскай мове. 

Ягоная жонка, радыяцыйны анколаг вышэйшай катэгорыі Вольга Іванова, таксама была звольненая. Яна была супрацоўніцай радыелагічнага аддзялення Гомельскага абласнога анкадыспансера. 

«Яна ўжо тут не працуе, два тыдні як», — адказалі ў аддзяленні, куды патэлефанаваў «Флагшток» ад імя пацыента.

Каментары6

  • Выдатнік аховы здароўя
    24.06.2024
    Як вам мой тытул?
  • Влад
    24.06.2024
    Одного не пойму - как эти "подписки" обнаруживают?
  • Rzeczpospolita
    24.06.2024
    Witajcie w Polsce!)

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю29

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю29

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць