Грамадства

Камароўка, Заходні рынак, гандаль каля метро: дзе цяпер таннейшыя ягады і грыбы?

Дзе лепш і больш выгадна купляць ягады і грыбы летам? Журналісты Myfin.by вырашылі праверыць і з'ездзілі на Камароўку ды Заходні рынак, а таксама паглядзелі, колькі каштуюць дары садоў і лесу ў бабуль, якія гандлююць каля метро.

Комаровка, Западный рынок, торговля у метро: где дешевле ягоды и грибы в июле?

«Якая праца — такая і цана». Гандаль у метро

Спачатку выпраўляемся да метро, дакладней — пераходу, размешчанаму на станцыі «чырвонай» галінкі. Тут, як заўсёды, даволі ажыўлена: прадаюць кветкі, ягады і ўсё тое, што вырасла на ўласных агародах.

Жанчыны, калі іх спытацца, паспешліва называюць цэны і пачынаюць расхвальваць свой тавар.

Такім чынам, клубніцы — каля 8-10 руб. за 1 кг, літровае вядзерца чырвонай парэчкі прадаюць за 5 руб. Маліны каштуюць 5 руб. за шклянку 250-300 мл, чарніцы — 10 руб. за 1 кг, агрэст — 8 руб. за 1 кг. Літровае вядзерца лісічак можна набыць за 10 руб.

Вельмі дарагія суніцы. Зусім маленькая шклянка ягад — 5 руб., за 1 кг просяць 30 руб.

«Якая праца — такая і цана. Ягад у лесе ўжо няшмат, збірала некалькі гадзін, можна сказаць, не разгінаючы спіны», — патлумачыла прадавачка.

Па колькі ягады на Заходнім рынку?

Наступны пункт — Заходні рынак, які знаходзіцца паблізу метро «Кунцаўшчына». Рынак невялікі, але вельмі кампактны. Тут ёсць крытыя павільёны і прылаўкі, размешчаныя на вуліцы. Ягады прадаюць у асноўным на вуліцы.

Цэны такія: буякі можна купіць за 14 руб., клубніцы — 6,5-8 руб., маліны — 11-15 руб., чарэшню — за 13,5-14 руб., чырвоныя парэчкі — за 4 руб., чарніцы — за 9-10 руб. Гэта кошт ягад за 1 кг.

Камароўка — ягаднае багацце

Асноўная перавага Камароўскага рынку — гэта разнастайнасць прапаноў. З ягад пакуль на рынку больш за ўсё трускавак і чарэшні, але і буякоў ужо нямала. А яшчэ знайшлі чарніцы, шаўкоўніцу, маліну, агрэст, парэчкі, суніцы. Увогуле, ягаднае багацце, на любы густ і кашалёк.

Што тычыцца цэнаў, самыя танныя клубніцы каштуюць 5,5 руб. за 1 кг. Ягады прадаюцца з прыпіскай «на варэнніца».

Недарагую чарэшню знайшлі за 6,9 руб. за 1 кг, ягады з Малдовы. Самую дарагую — за 22 руб. Пазначаецца, што ягады прыбылі з Арменіі і што яны вельмі салодкія і храбусткія. У асноўным жа цана на гэтыя ягады — каля 8-10 руб. за кг.

Сярэдняя цана на чарніцы — каля 10 руб., на буякі — 11 руб. Але сустракалася буякі і па 13-15 руб.

Ажыны прадаюць па 11-12 руб. Гэтыя ягады прадавалі толькі ў трох месцах.

Цана вішняў — 6 руб. за кг, суніц — 25 руб. за 1 кг.

Цана на агрэст — ад 7 да 8,5 руб. за 1 кг, на белую і чырвоную парэчку — каля 4-5 руб. за 1 кг, чорныя парэчкі — 6-7 руб.

У адным месцы прадаваліся чорныя маліны ў латках па паўтара літра, кошт ягад — 10-12 руб. (за латок). З грыбоў у продажы былі толькі лісічкі. Кошт — 10 руб. за кіло лясных грыбоў.

Дык дзе ж танней?

Лісічкі прадаюцца па адной цане за кілаграм — што на Камароўцы, што ў бабуль у метро. Буякі і чарэшня — самыя танныя на Камароўцы. Чарніцы ўсюды прадаюцца прыкладна па адной цане — 10 руб. за кг. Суніцы аказаліся даражэйшымі ў бабулі, якая гандлюе ў метро, чым на Камароўцы. Маліны таннейшыя на Камароўцы, чым на Заходнім рынку.

Але, калі шчыра, нейкай занадта вялікай разбежкі ў цэнах няма. Аднак на Камароўцы ўсё ж такі з разгледжаных тут варыянтаў ягады самыя даступныя.

Каментары

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю34

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю34

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць