Грамадства44

Азаронак абвінаваціў прарасійскіх актывістаў у працы на заходнія разведкі

Прапагандыст абрынуўся з жарснай крытыкай на адрас «ісцінных патрыётаў».

Скрыншот відэа СТБ

Прапагандыст СТБ Рыгор Азаронак выступіў з чарговым крытычным постам. Аднак гэтым разам ён атакаваў не апанентаў Лукашэнкі, а фактычна сваіх хаўруснікаў з прарасійскага лагера.

Азаронак адрэагаваў на інтэрв'ю праўладнага блогера Цімура Прахіна пра «дыверсію на «Славянскім базары». Той у эфіры канала Уладзіміра Салаўёва расказаў пра тое, што дзіцячы блогер Дзім Дзімыч са сваімі паплечнікамі збіраюцца, маўляў, разбэшчваць беларускіх дзяцей песнямі пра алкаголь і наркотыкі.

@nashaniva Што адбываецца? #беларусь #азаренок #нашаніва #беларускітыкток #славянскийбазар ♬ Comedy Scenes - Comical, stupid, odd, lovely (Drumless)(1441321) - Ponetto

Азаронку не спадабалася, што Прахін «напрасіўся ў эфір брацкай дзяржавы скардзіцца на сваё ўласнае». Прапагандыст назваў гэта ганьбай і яшчэ парачкай уласцівых яму каляцэнзурных слоў.

Азаронак заявіў, што інфармацыя пра ўдзел Дзім Дзімыча ў «Славянскім базары» была фэйкам. З ягоных слоў, «нармаваннем моладзевых блогераў заняліся даўно». І каля вытокаў гэтага працэсу стаяў ён сам, калі паклікаў Дзім Дзімыча на эфір і задаў усе пытанні.

Далей Азаронак абрынуўся з лютай крытыкай на групу актывістаў.

«Мы выразна бачым вельмі з'едлівае, істэрычнае асяроддзе, дзе дзяржаву і ўладу ганяць і зневажаюць кожны дзень. Дзе даўно гучыць адзін і той жа тэзіс «ды пофіг на гэтых змагароў, пляваць на іх, яны не небяспечныя, трэба мачыць унутранага ворага».

Пры гэтым я ўпарта спрабую шукаць адрозненні паміж гэтай групай і змагарамі, і не магу знайсці. Тая ж злосць, выскаленасць, «непрызнаныя геніі», любы, хто скажа слова папярок — вораг, гад, брыда, здраднік. Калектыўныя скаргі і звароты дзеля скаргаў і зваротаў — ну чым не Матолька», — заявіў Азаронак, відавочна намякаючы ў тым ліку на адну вядомую даносчыцу.

Азаронак абурыўся тым, што ўсё гэта адбываецца пад пралукашэнкаўскімі лозунгамі. У выніку, на яго думку, «многіх даверлівых людзей даводзяць да вар'яцтва».

Прапагандыст пайшоў яшчэ далей — і абвінаваціў прарасійскіх актывістаў у працы на замежныя спецслужбы.

«Паводле маёй інфармацыі — ёсць звесткі аб дачыненні некаторых «актывістаў», якія выдаюць сябе за «сапраўдных» патрыётаў і прыхільнікаў саюзнай дзяржавы, да дзейнасці заходніх разведак. Заданне цалкам канкрэтнае: разлажэнне патрыятычнага асяроддзя, распальванне варожасці, унясенне сумятні ў беларуска-расійскія стасункі», — піша прапагандыст.

І абяцае, што далей будзе «вельмі цікава».

Каментары4

  • даведка
    10.07.2024
    Из прежнего состава руководства РОО «Патриоты Беларуси» остался один лишь Зарубицкий, да и тот финансово связан с кланом Лукашенко-Селук-Кулаковых.
  • Алесь
    10.07.2024
    Отлично ! Половину вертикали и прогандистов растрелять как врагов социолистической революции!
  • Гарри
    11.07.2024
    Алесь, Предлагаю начать по алфавиту. С буквы: А и в виде ислючения( потому что не до законов) с буквы Л.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць7

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі9

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

Бяляцкі: На чарговым сходзе «Вясны» складу з сябе паўнамоцтвы3

Вызваленне Курскай вобласці каштавала расіянам 20 тысяч жыццяў. І гэта без уліку паўночнакарэйцаў

У Варшаве ў кватэру беларускі ўварваўся ўкраінец, паваліў на падлогу і забраў дарагую сумачку9

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць7

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць