Грамадства1818

Лукашэнка заявіў пра знішчэнне паветраных цэляў з Украіны над тэрыторыяй Беларусі

Маўляў, адбылося гэта ўчора.

«Учора ў 18:10 хвілін сілы ВПС і войскаў СПА Беларусі былі пераведзеныя ў павышаную баявую гатоўнасць. Гатоўнасць №1 у нас называецца. Дзяжурныя сілы супрацьпаветранай абароны. Справа ў тым, што (мы падазраём, што гэта не ў першы раз) Узброеныя сілы Украіны парушылі ўсякія правілы паводзін і парушылі паветраную прастору Рэспублікі Беларусь. На ўсходнім напрамку, зусім побач ад нас у раёне Касцюковіцкага раёна», — распавёў сёння Лукашэнка.

Таму сілы СПА былі прыведзеныя ў поўную баявую гатоўнасць на перахоп цэляў. Іх было каля дзясятка. Вылецелі самалёты, верталёт. І таксама сродкі РСЗА былі пераведзеныя ў павышаную баявую гатоўнасць.

«У 19 гадзін 4 хвіліны на вышыні паўтара кіламетра і далёкасці 6,5 км сіламі супрацьпаветранай абароны было знішчана некалькі цэляў над тэрыторыяй Беларусі. Ноччу і сёння з раніцы адбываецца пошук, што было знішчана. Мы падазраём, што гэта ўдарныя беспілотнікі. Парушыўшы паветраную прастору Беларусі, ляцелі з Украіны. Над тэрыторыяй Беларусі мы знішчылі цэлі. Астатнія былі перададзеныя (у нас адзінае СПА з Расіяй) Расійскай Федэрацыі», — дадаў Лукашэнка.

Лукашэнка расказаў, што Міністэрству абароны, Генеральнаму штабу дадзены даручэнні правесці адпаведныя мерапрыемствы для таго, «каб надзейна гарантаваць бяспеку дзяржавы».

«Навошта гэта Украіне, я не разумею. Нам трэба разабрацца. Але мы, як я казаў, выразна вызначаліся з імі і давялі да іх гэтую інфармацыю, што без адказу любыя правакацыі не застануцца», — сказаў ён.

«Непрыемна тое, што ўкраінцы, як я вас і папярэджваў шмат разоў, гэтым самым паказваюць, што ні да якога міру яны не гатовыя і працягваюць эскалацыю гэтай напружанасці. Два дні таму атака на Курскім напрамку, дзе яны прасунуліся на некалькі дзясяткаў кіламетраў — 30-35 ужо сёння. Абкопваюцца там. Ну і вось гэтая правакацыя з мэтай удараў па Расійскай Федэрацыі», — заявіў ён.

«Гэта лішні раз кажа пра тое, мужыкі, што нам трэба тут на зямлі працаваць не пакладаючы рук і даваць адпаведныя вынікі для таго, каб пазбегнуць таго, што адбываецца сёння ва Украіне», — рэзюмаваў Аляксандр Лукашэнка.

Каментары18

  • Табе пц
    10.08.2024
    Ну, што, Саша, ваюем?
  • М
    10.08.2024
    Лукашэнка, ты ўвойдзеш у падручнікі па гісторыі Беларусі як злачынца, які сярод іншага забіў шмат людзей, зьнішчыў эканоміку, культуру, адукацыю, палітычнае жыцьцё, мову і прывёў вайну на нашую зямлю. Адзінае , што радуе, гэта тое што Беларусь выжыве, беларусы выжывуць, будуць (!) падручнікі па яе гісторыі, а ты сам абярэш свой шлях...
  • Алекс
    10.08.2024
    А карту принёс? Показал направления?

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць