Грамадства55

Беларуску ў Польшчы не пусцілі на борт Ryanair з праязным дакументам. Але яна змагла дамагчыся кампенсацыі

Канал для айцішнікаў у Польшчы Dzic Pic апублікаваў гісторыю чытачкі, якая сутыкнулася ў праблемамі падчас паездкі на Кіпр з праязным дакументам.

— Я збіралася паляцець у чэрвені на Кіпр да сваёй сястры, якая працуе юрыстам. У мяне праязны дакумент, бо ў майго беларускага пашпарта скончыўся тэрмін. Мы першапачаткова ведалі, што могуць узнікнуць праблемы, аднак вырашылі рызыкнуць. 

Папярэдне я ўсё ж набрала кіпрскую амбасаду ў Варшаве, каб спытаць: ці можна мне перасякаць мяжу з праязным дакументам? Мне адказалі: «На жаль, гэтае пытанне вельмі часта паступае да нас ад грамадзян Беларусі, але мы праўда не ведаем, ці пусцяць вас, бо мы неаднаразова пісалі кіпрыётам, каб яны нам гэта патлумачылі».

«Хех, кіпрыёты», — падумала я і ўсё роўна купіла білет. З багажом ён абышоўся мне ў 70 еўра. Зваротны білет на ўсялякі выпадак не брала. 

І вось дзень вылету. Я пайшла да стойкі рэгістрацыі, папярэдне ўдакладніўшы ў работнікаў Ryanair, ці ўсё ок з маімі дакументамі. Яны адказалі, што праблем быць не павінна. Я выдыхнула і пайшла далей.

Паспяхова прайшла security check, мытню і села чакаць самалёт ля гейта.

Бліжэй да пасадкі я пачула, што супрацоўнікі Ryanair па гучнагаварыцелі запрашаюць мяне да стойкі.

Яны сказалі, што я не магу перасякаць мяжу з праязным дакументам і ДНЖ, але ёсць два варыянты: 

  • праязны дакумент і ў ім віза;
  • пашпарт Беларусі і ДНЖ.

Мы спрабавалі спрачацца, але яны былі непахісныя і не пусцілі мяне ў самалёт. 

Пасля гэтага мая сястра склала ім вялікі ліст, у якім мы падрабязна апісалі, што адбылося. 

Чытачка паказала вытрымкі з гэтага ліста. У ім спасылаюцца на інфармацыю аб паездках для замежных наведвальнікаў на сайце кіпрскай амбасады. А менавіта, што «асобы, якія маюць дазвол на жыхарства, выдадзены адной з дзяржаў — членаў Шэнгенскага пагаднення, не маюць патрэбы ў кароткатэрміновай візе для ўезду на Кіпр на тэрмін знаходжання, які не перавышае 90 дзён на працягу любога 180-дзённага перыяду» (у беларускі ёсць польскі ДНЖ). А таксама на тлумачэнне польскага МУС, што праязны дакумент замежніка пацвярджае асобу і дазваляе перасякаць мяжу.

Акрамя таго, адзначаецца ў лісце, у дырэктыве ЕС аб стандартах кваліфікацыі грамадзян трэціх краін або асоб без грамадзянства ў якасці бенефіцыяраў міжнароднай абароны проста гаворыцца, што праязны дакумент замежніка прызначаны для паездак за межы краіны.

У канцы аўтар папрасіла даць пісьмовае тлумачэнне прычын, па якіх беларусу з праязным дакументам замежніка не дазволілі ўехаць у Рэспубліку Кіпр, уключаючы спасылкі на адпаведныя прававыя акты. А таксама правесці поўнае пакрыццё сродкаў.

Што было далей?

— Мне давялося доўга чакаць адказу, таму я раю перыядычна іх пінгаваць, — працягвае чытачка. — Але ў выніку яны мне адказалі, што выплацяць кампенсацыю 400 еўра і кошт квітка ў поўным памеры. Грошы абяцалі перавесці цягам 5-7 дзён. 

Я паўторна спытала, ці магу я ў будучыні лётаць на Кіпр. Мне падалося, яны не хочуць гэта казаць, бо гэта парушэнне маіх правоў і прызнанне памылкі.

Але вось што мне адказалі: «Паколькі мы атрымалі інфармацыю ад нашага іміграцыйнага аддзела, вы маглі падарожнічаць з гэтымі дакументамі. Акрамя таго, рэкамендуем вам звязацца з пасольствам і спытаць іх».

«Збіраюся зноў паляцець на Кіпр у верасні. Думаю яшчэ дамагчыся афіцыйнага ліста з дазволам на праходжанне з праязным дакументам», — падсумавала чытачка.

Каментары5

  • Абармот
    19.08.2024
    Молодец! Пора беларусам (и беларускам) учиться отстаивать свои права
  • Гервасій
    19.08.2024
    Вось так і трэба заўсёды, не на тармазах спускаць а пазоў рыхтаваць і адстойваць свае правы.
  • Калі я бот, то ты цвіль
    20.08.2024
    Вось вам і "жэнеўскі пашпарт". Якім на практыцы можна падцерціся.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць