Свет66

Пасля канцэрта Каржа з Польшчы дэпартавалі трох беларусаў

Адзін беларус выехаў добраахвотна, двух выслалі прымусова, піша «Белсат».

Фота: паліцыя Варшавы

За парушэнні на канцэрце Макса Каржа ў Варшаве з Польшчы дэпартавалі трох грамадзян Беларусі.

У Памежнай ахове Польшчы не патлумачылі, у якую краіну выехалі беларусы.

«Польшчу пакінулі 23 замежныя грамадзяніны (20 грамадзян Украіны і 3 грамадзяніны Беларусі), 13 з іх былі высланыя прымусова, 10 выехалі добраахвотна. Два грамадзяніны Беларусі дэпартаваныя прымусова, адзін выехаў добраахвотна», — паведамілі памежнікі.

У Памежнай ахове запэўнілі, што абавязкова правяраюць, ці бяспечна гэтым людзям вяртацца на радзіму.

«Кожны раз у ходзе разбіральніцтва па справе аб абавязку іншаземца вярнуцца ў яго краіну абавязкова вывучаецца, ці існуе пагроза для жыцця, свабоды і бяспекі і ці можа іншаземец падвяргнуцца катаванням і бесчалавечнаму стаўленню. Працэдуры памежнай службы гарантуюць, што не будзе прымусовага абавязку вяртання, калі існуе пагроза жыццю або здароўю іншаземца», — адзначылі ў ведамстве.

Даныя пра 30 фанатаў Каржа, затрыманых на канцэрце, ужо ўключаныя ў польскую базу непажаданых асоб, а таксама ў спецыяльную сістэму Шэнгенскай зоны «з мэтай адмовы ва ўездзе і знаходжанні з меркаванняў аховы бяспекі і грамадскага парадку».

У сярэдзіне жніўня прэм’ер-міністр Польшчы Дональд Туск паведаміў, што было прынята рашэнне аб высылцы адносна 63 чалавек: 6 грамадзян Беларусі і 57 грамадзян Украіны.

9 жніўня перад пачаткам канцэрта Макса Каржа на Нацыянальным стадыёне ў Варшаве частка гледачоў пачала саскокваць з сядзячых месцаў на танцпол. Іх спрабавалі спыніць работнікі аховы. Пазней была прыцягнутая паліцыя, каб не дапусціць далейшых інцыдэнтаў.

Па выніках канцэрта варшаўская паліцыя паведаміла, што былі затрыманыя 109 чалавек. 50 чалавек аштрафаваныя на агульную суму ў 11 450 злотых (каля 3 135 даляраў). Да гэтага на вечарыне прыхільнікаў Коржа ў раёне Воля, якая прайшла перад канцэртам, былі затрыманыя 9 чалавек. 25 чалавек аштрафавалі.

Каментары6

  • Nk
    25.08.2025
    Што маем: з 80 тысяч удзельнікаў канцэрту выслалі па факце 2 беларусаў, адзін з'ехаў сам.
    А колькі размоў было...
    Калі хто ведае польскі футбол і іх фанатаў, тым есць з чым параўнаць.
  • Niemen
    25.08.2025
    Ну што, руская братва пакайфавала, цяпер дадому.
  • Orzeł i Pogoń
    25.08.2025
    Nk, нічога, чытачы МОСТ ужо паспелі абазваць палякаў фашыстамі, расістамі, ксенафобамі ды панаракаць, якія палякі дрэнныя, бо ў Польшчы дзейнічаюць законы, якія не падабаюцца аматарам расейскай музыкі.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць