Свет11

Пуцін, верагодна, знаходзіўся ў Сочы, калі горад атакавалі дроны

Украінскія дроны атакавалі Сочы ў ноч на аўторак, паведаміў губернатар Краснадарскага краю Вячаслаў Кандрацьеў. У гэты момант у горадзе мог знаходзіцца прыбыўшы напярэдадні Уладзімір Пуцін, піша «Агенцтва».

Пуцін з Сочы ўдзельнічаў па відэасувязі ў нечарговай сустрэчы БРІКС. Фота: прэс-служба Крамля

У выніку атакі БПЛА загінуў адзін чалавек, паведаміў кіраўнік рэгіёна. Мужчына быў за рулём аўтамабіля, у які патрапілі абломкі збітага дрона. Таксама пашкоджанні атрымалі «прыкладна шэсць» прыватных дамоў, дадаў Кандрацьеў. З заяў афіцыйных асобаў і публікацый у СМІ не зразумела, дзе менавіта абломкі забілі мужчыну і пашкодзілі прыватныя дамы.

Уначы над Сочы тройчы ўключаліся сірэны паветранай трывогі, сведчыць маніторынгавы тэлеграм-канал. Аэрапорт Сочы закрываўся больш чым на 30 хвілін.

У момант атакі ў Сочы мог знаходзіцца Уладзімір Пуцін. Напярэдадні менавіта з гэтага горада ён удзельнічаў па відэасувязі ў нечарговай сустрэчы БРІКС, указана на сайце Крамля.

За некалькі гадзін да гэтага ў Сочы прыбыў Іл-96-300ПУ лётнага атрада «Расія» з бартавым нумарам RA-96024, сведчаць дадзеныя Flightradar24. Менавіта на гэтым самалёце Пуцін лётаў на Аляску на сустрэчу з Дональдам Трампам. Паводле дадзеных Flightradar24, гэты борт дагэтуль знаходзіцца ў Сочы.

У Сочы размешчана рэзідэнцыя Пуціна «Бачароў ручай». Раней Пуцін жыў у горадзе тыднямі, аднак з тых часоў, як да Сочы сталі далятаць украінскія дроны, ён практычна перастаў наведваць горад, пісаў «Праект» у кастрычніку мінулага года. Напрыклад, калі ў лістападзе 2024 года ён усё ж наведаў Сочы дзеля прамовы ў Валдайскім клубе, то, верагодна, правёў у горадзе толькі дзень і начаваў у самалёце.

У канцы жніўня 2025 года абломкі ўкраінскага дрона ўпалі ў Геленджыку і выклікалі пажар побач з палацам Пуціна на мысе Ідакапас. Агонь тушылі чатыры дні.

Каментары1

  • Суповой пакетик
    09.09.2025
    "А счастье было так возможно, так близко..."

Цяпер чытаюць

Ці пагражае Крыму блакада праз паралізаваны Крымскі мост?6

Ці пагражае Крыму блакада праз паралізаваны Крымскі мост?

Усе навіны →
Усе навіны

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

больш чытаных навін
больш лайканых навін

Ці пагражае Крыму блакада праз паралізаваны Крымскі мост?6

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць