Грамадства

Што будзе з беларусамі, якія паспеюць да закрыцця мяжы з Польшчай прайсці кантроль толькі ў адзін бок?

З ночы 12 верасня Польшча цалкам закрывае мяжу з Беларуссю. Узнікае пытанне: што будзе з тымі беларусамі, якія ўжо прайшлі беларускі кантроль, але не трапілі на польскі бок? Адказ на яго даведалася Tochka.by.

Здымак ілюстрацыйны. Фота з сацыяльных сетак

Прэс-сакратар Дзяржпагранкамітэта Антон Бычкоўскі растлумачыў, што беларускія памежнікі будуць прапускаць транспарт у бок Польшчы да апошняга. Чарга рэзка павялічылася, але хуткасць праходжання залежыць і ад польскіх службаў.

«Прапускная здольнасць выкарыстання легкавых транспартных сродкаў зніжаная фактычна да 50%, прапускная здольнасць у дачыненні да рэгулярных аўтобусаў складае прыкладна 2 аўтобусы ў гадзіну», — расказаў ён пра хуткасць польскага боку.

Бычкоўскі падкрэсліў: сітуацыі, калі людзі застануцца «паміж дзвюма краінамі», не будзе, бо нейтральнай тэрыторыі няма. Калі палякі не прымуць падарожнікаў, яны могуць вярнуцца назад у Беларусь, прайшоўшы ўсе неабходныя кантрольныя працэдуры.

Беларускі бок гатовы да таго, што пасля закрыцця польскіх пунктаў прапуску нагрузка ўзрасце на іншых напрамках. Але шмат што залежыць ад «бутэлькавага рыльца», якое цяпер стварае польскі бок.

Закрыццё мяжы Польшча патлумачыла пытаннямі бяспекі. Прычына — сумесныя вучэнні Беларусі і Расіі «Захад-2025». З чацвярга на пятніцу будуць закрытыя аўтадарожныя пункты «Брэст — Цярэспаль» і «Казловічы — Кукурыкі», а таксама некалькі чыгуначных: у Гродне, Бераставіцы, Свіслачы і Брэсце. Калі іх адкрыюць зноў, польскія ўлады паведамяць пазней.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць