Грамадства44

На Беларускай чыгунцы не хапае вагонаў-платформаў. Прычына — вайсковыя перавозкі

Частку вагонаў задзейнічалі пад вучэнні, але гэта не тлумачыць дэфіцыт.

Ілюстрацыйнае фота: belzhd.info

У канцы жніўня 2026 года на Беларускай чыгунцы здарыўся недахоп парожніх спраўных універсальных вагонаў-платформ з насцілам падлогі, даступных для падачы пад пагрузку. Паводле інфармацыі Супольнасці чыгуначнікаў Беларусі, частка платформ выдзелена пад выкананне вайсковых заявак альбо зарэзервавана для найбліжэйшых адправак. Праз гэта астатнія грузаадпраўшчыкі атрымліваюць менш вагонаў або вымушаныя чакаць іх падачы.

Дакладная колькасць задзейнічаных вагонаў, станцыі пагрузкі, склад эшалонаў і маршруты невядомыя.

Па часе недахоп платформ супаў з правядзеннем чарговага мерапрыемства баявой падрыхтоўкі. З 25 жніўня па 10 верасня Узброеныя сілы Беларусі праводзяць аператыўна-тактычнае вучэнне з родамі войскаў ВПС і войскаў ПВА. Другі этап мусіць прайсці на расійскім палігоне Ашулук, дзе запланаваны баявыя стрэльбы авіяцыйных і зенітных ракетных падраздзяленняў.

Але адпраўкі на Ашулук тлумачаць толькі невялікую частку цяперашняй патрэбы ў платформах і не з'яўляюцца прычынай узніклага дэфіцыту, адзначаюць актывісты. Астатнія вагоны выдзелены пад іншыя бягучыя альбо будучыя вайсковыя заяўкі.

Узбраенне і ваенную тэхніку ў эшалонах перавозяць галоўным чынам на вагонах-платформах. На іх грузяць танкi, баявыя машыны пяхоты, бранятранспарцёры, самаходныя артылерыйскія ўстаноўкі, інжынерныя машыны і аўтамабільную тэхніку. Асабовы склад, маёмасць, боепрыпасы і паліўна-змазачныя матэрыялы перавозяцца ў вагонах іншых тыпаў. Вагоны з выбуховымі матэрыяламі ставяць у састаў з выкананнем устаноўленых норм прыкрыцця; у якасці вагонаў прыкрыцця могуць выкарыстоўвацца парожнія вагоны альбо вагоны з бяспечнымі грузамі.

Падобны дэфіцыт фіксаваўся ў верасні 2021 года падчас вучэнняў «Захад-2021» — тады чыгунка адкрыта адмаўляла прадпрыемствам праз «дзяржаўную замову па пытаннях нацбяспекі».

Пры гэтым прыкмет перакідання, супастаўнага па маштабе са студзенем-лютым 2022 года (напярэдадні ўварвання ва Украіну), у наяўных дадзеных няма. Няма прыкметаў масавага прыбыцця расійскіх падраздзяленняў ці назапашвання эшалонаў, зафіксаваны толькі сам факт недахопу платформаў.

Каментары4

  • хто-та урот
    30.08.2026
    Хто-та урот....
    Куда пропали платформы, почему и зачем ?
  • Сьвіслацкі жабец
    30.08.2026
    Ну так натуральна ж.
    З пачатку вайны БЧ загрузілася на 150%, пад цягнікамі аж масты ломяцца. Эканоміка РБ уся працуе на фронт, на перамогу "братняга расейскага народу".
  • Падарунак са Шклова
    30.08.2026
    Ґаўляйтар Лукашэнка перадаў іх фюрэру Пуціну ў іншаземнай Маскве.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць