Нерухомасць3131

Былы міністр інфармацыі здае катэдж у Драздах за $3800 на месяц. Паглядзіце ФОТЫ інтэр’ераў

Катэдж у Драздах, які належыць былому міністру інфармацыі Алегу Праляскоўскаму, здаецца за $3800 на месяц.

Алег Праляскоўскі. Фота Сяргея Гудзіліна.

Адпаведная прапанова з'явілася на сайце агенцтва нерухомасці «Благадом».

Адметнасць аб'явы ў тым, што ў ёй нават пазначана іншая вуліца, чым тая, на якой у рэальнасці стаіць дом Праляскоўскага. Няма і ніводнага фотаздымку звонку. Так робіцца, каб журналісты не змаглі ідэнтыфікаваць катэдж.

Тым не менш крыніцы «Нашай Нівы» пацвярджаюць, што гаворка ідзе менавіта пра дом Праляскоўскага.

Чытайце. Артылерыст-ідэолаг: топ-5 фактаў пра звольненага міністра Алега Праляскоўскага

Плошча катэджа — 456 квадратных метраў. У ім шэсць жылых пакояў. На першым паверсе знаходзяцца гасціная і кабінет. На другім — чатыры спальні і ванна з джакузі. На трэцім, мансардным паверсе ёсць гульнявы пакой і трэнажорная зала. Нарэшце, на цокальным паверсе — сауна з пакоем адпачынку, більярд і кацельня. Асобна стаіць альтанка з мангалам.

Участак у Драздах дастаўся Праляскоўскаму, як і іншым прадстаўнікам лукашэнканкаўскай наменклатуры, у сярэдзіне 2000-ых. Элітная зямля дасталася яму задарма альбо амаль задарма.

Хто суседзі экс-міністра? Побач стаіць дом Наталлі Пяткевіч, якая ў свой час была намесніцай кіраўніка Адміністрацыі прэзідэнта. Праз дарогу — катэджы святара Фёдара Поўнага і бізнэсмена Паўла Тапузідзіса (ён адзін з нямногіх, хто сам купляў дом).

Чытайце. Ад Абельскай да Ярмошынай: 112 уладальнікаў катэджаў у Драздах, поўны спіс

Крыніцы «Нашай Нівы» сцвярджаюць, што Алег Праляскоўскі пасля адстаўкі пераехаў у Расію і займаецца бізнэсам у Падмаскоўі. Яго сям'я засталася ў Беларусі.

Чытайце. Жонка Праляскоўскага ўзначальвае прававы аддзел БелТА — чым жыве сям’я былога галоўнага ідэолага краіны

Алег Праляскоўскі

Нарадзіўся ў 1963 годзе ў Сергіевым Пасадзе ў Расіі. Скончыў Мінскае вышэйшае інжынернае зенітнае ракетнае вучылішча і юрыдычны факультэт Беларускага дзяржаўнага ўніверсітэта. 

Працаваў загадчыкам аддзела ў Службе бяспекі Прэзідэнта Беларусі, генеральным дырэктарам БелТА, намеснікам кіраўніка Адміністрацыі прэзідэнта (2003—2007), памочнікам прэзідэнта — начальнікам Галоўнага ідэалагічнага ўпраўлення Адміністрацыі прэзідэнта (2007—2008), дырэктарам Інфармацыйна-аналітычнага цэнтра пры Адміністрацыі прэзідэнта (2008—2009), міністр інфармацыі (2009—2014).

Чытайце. Былы кіраўнік АНТ Кісель здае катэдж у Драздах за $6500 на месяц. Як вам інтэр’еры? ШМАТ ФОТА

Каментары31

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць