Грамадства

18-гадоваму жыхару Магілёва далі два месяцы арышту за палітычныя надпісы на асфальце

Сёння ў судзе Ленінскага раёна Магілёва вынесены прысуд 18-гадоваму Сяргею Турунову, якога прызналі вінаватым у псаванні маёмасці і нанясенні шкоды дарожна-маставому прадпрыемству на суму 56 рублёў 73 капейкі.

Ілюстрацыйнае фота

Хлопец у адным са спальных раёнаў гораду ў разгар леташніх пратэстаў напісаў фарбай на асфальтавым пакрыцьці і лесьвіцы лічбы «З%» і «80%». У яго дзеяньнях угледзелі злачынства і абвінавацілі ў парушэньні 341 артыкулу Крымінальнага кодэксу («Апаганьваньне і псаваньне маёмасьці»), паведамляе Радыё Свабода.

11 сакавіка судзьдзя Аксана Ратнікава ў судзе Ленінскага раёну Магілёва пастанавіла пакараць Турунова 2 месяцамі арышту і прысудзіла выплаціць шкоду камунальнаму прадпрыемству. Цягам 10 дзён абвінавачаны мае права абскардзіць прысуд, што ён і будзе рабіць. Пакуль жа вырак не набыў моц. Тыя 10 дзён адведзены на пагашэньне пазоўных патрабаваньняў.

Сваю віну Турунаў прызнаў і раскаяўся, разам з тым не пагадзіўся, што расьпісваў ходнікі з групай асобаў. Паводле яго, надпісамі ён выказваў нязгоду з вынікамі прэзыдэнцкіх выбараў. Адвакатка прасіла суд аб паблажцы падабароннаму, зазначыўшы, што ён пакутуе ад псыхічнага расстройства.

Дзяржаўнае абвінавачаньне прасіла асудзіць Турунова на 3 месяцы арышту. Пракурорка адзначыла, што падсудны ня выплаціў шкоду камунальнаму прадпрыемству, а значыць, не ўсьвядоміў віны і не раскаяўся. Паводле яе, надпісы былі нанесеныя ў грамадзкім месцы і іх маглі бачыць іншыя асобы. Акрамя таго, пасудны быў нападпітку, што абцяжарвае віну.

Як вынікае з матэрыялаў справы, абвінавачаны зрабіў злачынства ў стане алькагольнага ап’яненьня ў групе нявызначаных асобаў у ноч з 14 на 15 жніўня. Хлопца затрымаў старшы прапаршчык унутраных войск Яўген Марчанка, які выклікаў міліцыю.

Турунова спачатку аштрафавалі за знаходжаньне ў грамадзкім месцы ў стане алькагольнага ап’яненьня, а ў канцы лістапада 2020 году супраць яго распачалі крымінальную справу за псаваньне маёмасьці. За прамінулы час ад надпісаў мала што засталося. Пакараньне для Турунова пачнецца з моманту ягонага затрыманьня.

Падрабязней пра абставіны справы чытайце:
У Магілёве судзяць 18-гадовага хлопца за надпісы на асфальце, якія даўно змыліся

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць