Нерухомасць

Зняць кватэру ў Мінску цяпер рэальна ад 100 даляраў. Паглядзелі на самыя танныя варыянты арэнды ў сталіцы ФОТА

Нестабільная сітуацыя на валютным рынку і адток насельніцтва з краіны напрамую адбіліся на арэндным жытле. Частка арэндадаўцаў знізіла цэны на свае кватэры ў новых умовах ці зафіксавала іх у рублях — як следства, на рынку з’явілася вялікая колькасць танных варыянтаў. Паглядзелі, якія кватэры прапануюць у сталіцы да 200 даляраў.

У катэгорыі найбольш даступнага жытла традыцыйна застаюцца «бабушатнікі». Калі такое не пужае і вы гатовыя самі прыкласці руку для навядзення ўтульнасці, то ў раёне Курасоўшчына на Ландэра можна засяліцца ў аднушку за 106 даляраў. У вашым распараджэнні — мэбля, пліта. А вось халадзільнік і пральную машыну прыйдзецца набываць свае. Праўда, уся шчодрасць — на перыяд, пакуль у доме будзе ісці капрамонт: такая зніжка за дыскамфорт. Пасля рамонтных прац цана арэнды крыху падымецца. Але гаспадары самі абяцаюць абнавіць унітаз і шпалеры.

За аднушку з лепшым рамонтам ужо просяць ад 139 даляраў — такая прапанова, напрыклад, маецца на вуліцы Славінскага, што ў мікрараёне Усход. На 23.4 м2 гаспадар гатовы бачыць толькі аднаго жыхара. У яго распараджэнні будзе мэбля, халадзільнік, пральная машына. Для гатавання ежы на кухні маецца толькі мульціварка.

145 даляраў — і вашай можа быць аднушка на Чыгладзэ (недалёка ад станцыі метро Пушкінская). «Кватэра чыстая, акуратная, з усёй мэбляй і тэхнікай, безлімітны інтэрнэт, гатова да засялення», — напісана ў аб’яве. 

Амаль у цэнтры, непадалёк ад метро Якуба Коласа і Акадэміі Навук, на вуліцы Максіма Багдановіча можна асесці за 150 даляраў. Самі гаспадары ў аб’яве адзначаюць, што гэта «веельмі выгадны кошт», на іх думку (тым больш, абяцаюць нізкую камуналку). Дадатковая ўмова: заклад і доўгатэрміновая арэнда. У доступе зашклёны балкон з відам на горад з 4-га паверха, халадзільнік, посуд, мікрахвалёўка, пральная машына, інтэрнэт. 

У 150-даляравай катэгорыі назіраецца ўжо нямала прапаноў. Напрыклад, можна знайсці адразу некалькі варыянтаў у раёне Сухарава. З плюсаў канкрэтна гэтай аднушкі — паасобны санвузел і свежы рамонт.

Ці вось у Малінаўцы на Бялецкага — таксама 150 даляраў, але гаспадары гатовы пагандлявацца. Кватэра на 7-м паверсе, цёплая, з усім неабходным, акрамя пральнай машыны. Добра развітая інфраструктура.

Калі пасунуць кошт хаця б да 200 даляраў, то колькасць кватэр вырастае ў разы — на сёння толькі на адным «Анлайнеры» ёсць больш за 500 прапаноў ад уласнікаў і агенцтваў. За 200 даляраў можна зняць досыць неблагія варыянты ў самым цэнтры — па праспекце Незалежнасці ці на вуліцы Шпалернай.

Вось, напрыклад, такая сталінка па праспекце Незалежнасці з драўлянай падлогай. Ёсць канапа, кухня, камп’ютарны стол з крэслам, халадзільнік, посуд. Ідэальны варыянт для фрылансера ці проста чалавека, які часта працуе з дома за кампом.

А калі мець у распараджэнні 300 даляраў у месяц на кватэру, то выбар увогуле робіцца шыкоўным — на сёння ў сталіцы актуальныя больш за дзве тысячы прапаноў на любы густ.

Чытайце таксама:

«Рыэлтары хорам кажуць, што народ пакуль у ступары». Што адбываецца на рынку нерухомасці

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць