Навука і тэхналогіі

Навукоўцы знайшлі арганізм, які можа харчавацца толькі вірусамі

Навукоўцы з Універсітэта Небраскі ў Лінкальне (ЗША) знайшлі від мікроба, які здольны харчавацца выключна вірусамі. Даследаванне апублікаванае ў PNAS, піша Science Alert.

Фота: Getty Image

Мікроб Halteria — прадстаўнік прэснаводнага планктону з роду інфузорый. Лабараторныя ўзоры яго арганізма здольныя спажываць хлоравірусы і атрымліваць ад іх значную колькасць энергіі.

Даследаванне вялося тры гады. Ідэя ягоная была ў тым, што ў вадзе знаходзіцца велізарная колькасць вірусаў і мікраарганізмаў, і гэта можа прывесці да таго, што адны могуць есці іншых.

Папярэдніх даследаванняў пра гэтую з'яву было не так шмат.

У асяроддзі вірусаў ёсць амінакіслоты, нуклеінавыя кіслоты, ліпіды, азот і фосфар, таму цалкам верагодна, што пэўныя арганізмы маглі б харчавацца імі.

Каманда даследчыкаў сабрала ўзоры з прэсных вадаёмаў і дадала да іх хлоравірусы. Яны імкнуліся праверыць, якія арганізмы будуць успрымаць вірусы як ежу, а не як пагрозу.

Так навукоўцы выявілі два віды — Halteria і Paramecium, якія засталіся ў вадзе.

Paramecium амаль не мянялася ў памерах, у той час як Halteria спажывала хлоравірус і выкарыстоўвала яго як крыніцу энергіі. За два дні папуляцыя мікробаў Halteria вырасла прыкладна ў 15 разоў, а папуляцыя віруса ўпала ў 100 разоў.

«Першапачаткова гэта была толькі здагадка, што існуе больш арганізмаў Halteria. Але потым яны былі дастаткова вялікія, каб я мог узяць іх наканечнікам піпеткі, змясціць у чыстую кроплю і палічыць», — кажа Дэлонг.

Далей навукоўцы пазначылі ДНК хлоравіруса флуорысцэнтным фарбавальнікам, перш чым увесці яго да ўзораў планктону. Halteria і Paramecium сапраўды з'ядалі вірусы. Іх вакуолі (эквівалент страўніка) свяціліся зялёным.

Навукоўцы таксама высветлілі, што рост папуляцыі мікробаў і зніжэнне колькасці вірусаў прапарцыйныя, як у любых адносінах паміж драпежнікам і ахвярай.

«Цяпер мы павінны паспрабаваць высветліць, ці гэта сапраўды ёсць у прыродзе», — заявіў эколаг.

Каментары

Цяпер чытаюць

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям40

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям

Усе навіны →
Усе навіны

Юшкевіч: Аднойчы мне прапанавалі: «Адно слова па-польску — 5 сутак ШІЗА. Рызыкнеш?»10

У мінскае метро маладзён хацеў зайсці з небяспечным кіем3

Цела кракаўскага стралка ніхто забіраць для пахавання не хоча. Яго думаюць аддаць навукоўцам6

Miss Kraken: сакрэтная ўкраінская сістэма выглядае як навуковая фантастыка, але ўжо працуе на фронце3

Жэрар Дэпард'ё прызнаў сваю віну ў сэксуалізаваным гвалце4

Ці пагражае Крыму блакада праз паралізаваны Крымскі мост?17

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

больш чытаных навін
больш лайканых навін

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям40

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям

Галоўнае
Усе навіны →

Заўвага:

 

 

 

 

Закрыць Паведаміць