Эканоміка77

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»

Штодзень у чарзе на ўладкаванне туды стаяць сотні людзей.

Склад Wildberries у «Вялікім камені». Скрын відэа.

У тыктоку выйшла відэа пра ажыятаж каля склада Wildberries у «Вялікім Камені». Людзі запісваюцца ў чаргу начамі і ездзяць некалькі дзён запар, каб уладкавацца: той, хто прыехаў а 9‑й раніцы, апынаецца ў трэцяй сотні. У вакансіях абяцаюць ад 1500 да 6000 рублёў на месяц.

Пад ролікам амаль 700 каментароў. І галоўнае слова ў іх — не «чарга» і не «заробак», а «штраф».

Самы залайканы каментар (1356 лайкаў) — ад чалавека, які там працаваў:

«Хлопец разам за мной ўладкоўваўся, стаў на крупнагабарыт, каб каэфіцыент быў большы. Дзён за пяць напікаў на 1200 рублёў, потым прыйшоў штраф на 1000».

У адказах пад ім тлумачаць, за што штрафуюць. Напрыклад, калі ты загрузіў мыйны сродак, а той потым праліўся на тканіну і іншы тавар. Каментатар сцвярджае, што работнік ніколі не ведае, з чым сутыкнецца: «Там сапраўдныя галодныя гульні». Іншы дадае: зарабіў 1000 — аштрафавалі на 500.

«Там штрафы большыя за заробак», — даводзіць нехта. Яшчэ адна карыстальніца пераказвае словы сяброўкі: калі штосьці знікла ці сапсавалася, штраф дзеляць на ўсіх, праз чые рукі прайшоў тавар.

Нехта расказвае, што аднойчы цэлую змену адпрацаваў, каб закрыць адзін штраф. Іншыя пішуць, што першыя два месяцы штрафаў няма, а потым яны прыходзяць штодня, і што штрафуюць нават за тое, чаго ты не бачыў. Праўда, пры гэтым за змену атрымліваецца 300‑350 рублёў.

Пра заробак людзі пішуць з іроніяй.

«У вакансіі 1500, па факце 1200, на рукі 1000», — падлічвае адзін з каментатараў. І гэта другі па колькасці лайкаў (822) каментар.

«Пра штрафы забыўся», — адказваюць яму.

Але тыя, хто працуе на складзе цяпер, называюць іншыя лічбы. Адзін піша, што выносіць па 200—300 рублёў за змену, а штрафаў больш за 6 рублёў за змену за паўгода не было. Іншыя называюць 4300 за месяц, 500—600 за тры дні, 2000 у студэнтаў, якія працуюць па выходных, або «свае 4 [тысячы] за 12 змен».

Адна карыстальніца піша, што яе зяць зарабляе 400 рублёў за дзве змены за 12 гадзін і грошы прыходзяць стабільна кожны тыдзень. У адказах адразу палічылі: 200 рублёў за 12 гадзін — ці гэта шмат? Для некаторых гэта сапраўды шмат: у Барысаве, піша чалавек, за 12 гадзін плацяць 50—70 рублёў, а 19‑гадовы хлопец на адпрацоўцы на заводзе атрымлівае 37 рублёў за змену.

«Пакажыце разліковы лісток. Ніводзін не паказаў», — патрабуюць скептыкі. У адказ ім адзін былы работнік піша, што зарабляў 250 за змену, а потым прыходзілі штрафы на 150 і больш. Пры гэтым падчас працы сядзець нельга, тэлефонам карыстацца нельга, а штраф за сапсаваную каробку дзеляць на некалькі чалавек. Іншы тлумачыць, чаму ніхто не паказвае: разліковых там проста няма, бачыш толькі, колькі ў чацвер прыйшло на картку.

Беларусы не вераць у аповеды пра вялікія заробкі і кпяць з іх. Не ўсе вераць і ў тое, што чарга на ўладкаванне сапраўды ёсць. Так, просьба «пакажаце, дзе гэта чарга» стала трэцяй па папулярнасці, сабраўшы амаль 700 лайкаў.

У адказ нехта проста напісаў адрас, па якім гэта адбываецца. А іншыя падаюць прыватныя гісторыі. Адна жанчына сцвярджае, што запісалася а 0:49 ночы і была 97-й, іншая а 00:05 аказалася дзявятай. Яшчэ адна карыстальніца піша, што месяц таму была 190‑й і сядзела ад 9‑й да 18‑й вечара, а цяпер, прыязджаючы на змену, кожны раз бачыць не менш за 300 чалавек.

У чарзе на склад многія бачаць больш шырокую праблему.

«Як жа ў Беларусі абясцэнілася праца», — піша карыстальнік і дадае, што гэта тлумачыць, чаму так шмат людзей працуе за мяжой.

Іншы заўважае, што на ВБ стаяць чэргі, а на заводах пуста. Нехта здзіўляецца, адкуль такі попыт на вакансію за 1500, калі, па словах улады, усе зарабляюць па дзве‑тры тысячы. А іншыя пішуць, што людзі паехалі не па 1500, а за рэкламай па тэлебачанні, дзе абяцаюць да 450 рублёў за дзень і 4000 на месяц.

Ёсць і больш узважаныя меркаванні: працаваць на складзе можна, але нядоўга. Адзін з каментатараў тлумачыць, што пакуль склад у «Вялікім Камені» толькі адкрыўся, там дзейнічаюць высокія тарыфы, каб прывабіць людзей. Потым, на яго думку, тарыфы панізяць і «паляцяць штрафы», таму папрацаваць пару месяцаў можна, «а далей — на свой страх і рызыку».

Адна жанчына расказвае, што звольнілася з працы фельчаркі і пайшла на склад. За 15 дзён працы з 9‑й да 18‑й яна зарабіла 3 тысячы, хоць, па яе словах, працуе павольна. Цяпер разам з ёй на складзе працуюць яе маці і сябры.

А нехта падсумоўвае: «Калі як падпрацоўка, то, можа, і нядрэнна. А на пастаяннай — складана».

Каментары7

  • Правакацыя нейкая
    18.11.2026
    Зараз прыбяжыць ябацька Жвір даказваць што ўсё гэта хлусня, бо ў Мінску на чэсныя 3000-4000 купа вакансій)))
  • радуйцесь
    18.11.2026
    сонцалікі даў вам вазможнасць жыць на этай чудзеснай зямле і работаць на самам лучшэм складзе.
  • Indrid Cold
    18.11.2026
    Лох гэта лёс. Дзе тыя хто казаў што у жабцы сенш плацяць? Дык як там заробак 6к і штраф 5к? Норм, на ежу хапае?

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць