Грамадства22

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску

Мужа расійскай блогеркі Настассі Бунс затрымалі пры ўездзе ў Беларусь праз старую падпіску на навінавы чат, прызнаны «экстрэмісцкім». Паводле жанчыны, праверка заняла шэсць гадзін, пару пад канвоем адвезлі ў міліцыю. 

Скрын відэа Настассі Бунс

Расійская блогерка Настасся Бунс жыве з мужам у Калінінградзе. На выходныя пара вырашыла з'ездзіць на машыне ў Санкт-Пецярбург.

У выніку мужа жанчыны затрымалі пры ўездзе з Літвы ў Беларусь праз старую падпіску на навінавы чат, прызнаны «экстрэмісцкім». Паводле жанчыны, праверка заняла шэсць гадзін. Пару пад канвоем адвезлі ў міліцыю.

«Гэта мы вырашылі ў Піцер на выхадныя зматацца. На мяжы з Беларуссю майго мужа затрымалі на шэсць гадзін да высвятлення абставін. На пост выклікалі міліцыю і пад канвоем вывезлі нас з мяжы проста ў аддзел», — расказала блогерка.

Паводле яе, муж мае беларускае грамадзянства. Падчас пратэстаў 2020 года ў Беларусі, ён падпісаўся на навінавы рэсурс у тэлеграме, каб сачыць за падзеямі. Пазней той прызналі «экстрэмісцкім».

«Нічога там не пісаў, нікому не пераводзіў грошы, проста калісьці падпісаўся, прачытаў і забыўся выйсці», — патлумачыла жанчына.

Гэту падпіску знайшлі пры праверцы тэлефона на мяжы. 

«У аддзеле міліцыі паглядзелі перапіскі, пераканаліся, што прычын для рэальнага арышту няма, і адпусцілі нас.

Але самі сілавікі шчыра сказалі: такіх людзей з мяжы прывозяць проста пачкамі», — дадала блогерка.

Паездку пара ўсё ж працягнула.

Але блогерка папярэджвае: «Мужчыны і жанчыны, асабліва тыя, у каго ёсць падвойнае грамадзянства ці пашпарт Беларусі, будзьце пільнымі. Проста перад паездкай праверце свае падпіскі ў Telegram. Можна ўступіць у нейкі чат шмат гадоў таму дзеля цікавасці і забыцца. А на мяжы гэта стане прамой прычынай для прыводу ў паліцыю, арышту і судзімасці».

Каментары2

  • Світоюсава гора
    18.11.2026
    Вельмі цікава, як расейцы вырашылі пачыліць у Піцеры праездам праз Літву! Навуседа даўно гарлапаніў, як ён зачыніць межы для агрэсара і будзе стаяць на смерць???
  • Не патрыёт
    18.11.2026
    Чаго не смяецеся? Не смешна? Гэта Беларуся (незалежная)!

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць