Вайна22

У Расіі выявілі «ўтоеную» ваенную смяротнасць на 3 тысячы чалавек у месяц

Па меры таго як страты расійскай арміі ва Украіне множацца і, паводле заходніх звестак, перавысілі 200 тысяч чалавек забітымі і параненымі, у афіцыйнай статыстыцы Расіі з'яўляюцца неадпаведнасці ў падліках колькасці памерлых у краіне, піша The Moscow Times.

Фота: Соф'я Сандурская 

Кожны месяц расійскія ЗАГСы фіксуюць каля 2—3 тысяч смерцяў, якія пасля не трапляюць у статыстыку Расстата, падлічыў дэмограф Аляксей Ракша.

Так, у студзені Расстат даў справаздачу аб 168,4 тысячы памерлых у Расіі — на 12,7% менш, чым у тым жа месяцы годам раней.

Пры гэтым, калі арыентавацца на Адзіны дзяржаўны рэестр запісаў актаў грамадзянскага стану (АДР ЗАГС), лічба, паводле ацэнкі Ракшы, складала б 170,9 тысячы.

Гэтая розніца ўзнікае штомесяц і заўсёды ў адзін бок — Расстат дае меншую лічбу, чым вынікае са звестак ЗАГСаў, падкрэслівае дэмограф.

Неадпаведнасць лічбаў стала прыкметай менавіта ваеннага часу. «Год і больш таму такой розніцы не было», — адзначае Ракша.

«Прыхаваная» смяротнасць, якую бачаць ЗАГСы, але не Расстат, блізкая да колькасці пацверджаных страт расійскай арміі ва Украіне: спіс, які па паведамленнях у сацсетках і афіцыйных заявах вядуць «Медыязона» і Бі-бі-сі, папаўняецца на 3,5—4 тысячы чалавек у месяц. Рэальная лічба можа складаць 7—9 тысяч штомесяц, ацэньвае Ракша.

Міністэрства абароны РФ толькі двойчы за ўвесь час вайны агучвала афіцыйную ацэнку колькасці загінулых — па стане на 21 верасня 2022 года гэта было 5937 чалавек.

З улікам параненых і тых, хто трапіў у палон, незваротныя страты расійскай арміі дасягаюць 200—250 тысяч чалавек, і гэта больш, чым ва ўсіх войнах з часу заканчэння Другой сусветнай разам узятых, падлічылі эксперты амерыканскага Цэнтра стратэгічных і міжнародных даследаванняў (CSIS).

Сярэднямесячныя расійскія страты ва Украіне, па іх звестках, як мінімум у 25 разоў перавышаюць колькасць забітых у месяц у Чачні і ў 35 разоў — у Афганістане.

Пасля заканчэння Другой сусветнай вайны больш за ўсё расійскіх вайскоўцаў загінула ў Афганістане (14—16 тысяч, але варта ўлічваць, што там ваявалі не толькі расіяне, а жыхары ўсяго СССР), у Чачні (12—25 тысяч), а таксама да поўнамаштабнага ўварвання ва Украіну падчас баёў на Данбасе (6—7 тысяч), піша CSIS.

Каментары2

  • Правдоруб
    13.03.2023
    Это как с ковидом в Беларуси - всё хорошо прекрасная маркиза.
  • рашысцкіх акупантаў чакае чарназём
    13.03.2023
    рашысцкіх акупантаў чакае чарназём

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю23

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся63

Былога супрацоўніка КДБ з польскім грамадзянствам асудзілі да 14 гадоў10

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю23

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць