Грамадства

Дачка Марыны Золатавай пра прысуд: Хтосьці за надуманую справу атрымае зорачку на пагоны. А мая матуля нязломная

19-гадовая Надзея Кішкурна, дачка галоўнага рэдактара партала Tut.by Марыны Золатавай, выказалася наконт прысуду. Яе словы прыводзіць «Радыё Свабода».

Дачка Марыны Золатавай Надзея Кішкурна

Надзея пакуль не ведае, як навіну пра прысуд успрынялі яе бацька і малодшы брат. Сама яна разумее, наколькі гэта несправядлівы прысуд і чаму гэта адбываецца, у чым прычыны і якія падставы такой расправы над парталам, што ачольвала яе маці.

Надзея расказала, што паглядзела напярэдадні прапагандысцкі фільм, які паказалі па БТ.

«Я нават не магу сказаць, што гэта дрэнны і непрафесійны фільм. У мяне асацыяцыя з апошняй кнігай пра Гары Потэра. Гары Потэр бачыць маленькую часцінку Волан-дэ-Морта, які распаўся ў пыл, і гэтая маленькая часцінка забілася пад лаўку… Ты глядзіш на гэта і думаеш: ну што за ўбоства, хто гэта рабіў? Зразумела, што і ў фільме, і ў справе няма доказаў. Дзяўчаты жартуюць пра «лялькаводаў», а аўтары фільма насамрэч гэта сур’ёзна ўспрымаюць і інтэрпрэтуюць. Мы ў гэтым месцы проста рассмяяліся!

Мне згадваецца верш Міхала Анемпадыстава:

«Я бачу па тэлевізары
доказы іхніх злачынстваў:
два белыя пёркі і святло нетутэйшае.
Яно было мацнейшае
за святло студыйных сафітаў.
І дыктары апускалі вочы долу.
Я не паверыў улікам».

Вось гэты верш добра апісвае фільм БТ: глядзіш і не верыш ніводнаму слову», — кажа Надзея Кішкурна.

Што да рэакцыі самой Марыны Золатавай на прысуд, яе дачка Надзея перакананая, што маці гэта мужна вытрымае і не зламаецца.

«Мая матуля вельмі моцная, нягледзячы ні на якія жудасныя лічбы прысуду і абсурдныя абвінавачанні, якія ліюцца з тэлеэкрана. Матуля мая не зламаецца — яна ў нас нязломная і вельмі-вельмі пазытыўная. Атрымліваецца заўсёды, што не ты яе падтрымліваеш у лістах, а яна цябе.

Хтосьці за надуманую справу Tut.by, магчыма, атрымае зорачку на пагоны. Як яны з гэтым будуць жыць?» — задаецца пытаннем 19-гадовая Надзея Кішкурна.

Золатава і Чэкіна — 12 гадоў калоніі. На прысудзе суддзя Валянціна Зянькевіч трымала іх у кайданках 

Каментары

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць