Грамадства55

Ціханоўская сустрэлася з кіраўніцай МУС Літвы. Абмеркавалі законапраект аб беларусах, гуманітарны ДНЖ і стварэнне працоўнай групы пры МУС

Святлана Ціханоўская падзякавала кіраўніцы МУС Літвы Агне Білатайце за пачутыя і прынятыя прапановы беларусаў па зменах у законапраект «Аб увядзенні абмежавальных мер у дачыненні да ваеннай агрэсіі супраць Украіны».

Святлана Ціханоўская і Агне Білатайце. Фота: motolko.help

Ціханоўская выказала падзяку ад імя беларусаў за тое, што ў новай версіі законапраекта абмежавальныя меры ў дачыненні да грамадзян Беларусі значна змякчаныя ў параўнанні з першапачатковым праектам. Ціханоўская падкрэсліла важнасць падзелу беларусаў і рэжыму Лукашэнкі, паведамляе Motolko.Help са спасылкай на тэлеграм-канал Ціханоўскай. 

Ціханоўская падзякавала кіраўніку Дэпартамента міграцыі МУС Літвы Эвеліне Гудзінскайце за канструктыўнае супрацоўніцтва па паступальным вырашэнні пытанняў, з якімі даводзіцца сутыкацца беларусам, якія вымушана пакінулі Беларусь з-за пагрозы палітычнага пераследу.

У ходзе перамоў Ціханоўская і Білатайце дамовіліся стварыць працоўную групу, якая будзе ўключаць прадстаўнікоў Аб'яднанага пераходнага кабінета, ОСТ і МУС Літвы для вырашэння пытанняў у галіне міграцыі і грамадскай бяспекі. Падобная група ў Польшчы паказала сваю запатрабаванасць і эфектыўнасць: дзякуючы ёй у Польшчы з'явіўся гуманітарны ДНЖ для беларусаў, а праязны дакумент замест пашпарта стаў бясплатным.

На сустрэчы абмяркоўваліся магчымасці спрасціць патрабаванні для беларусаў пры падачы на ДНЖ, у прыватнасці, каб была магчымасць не прадстаўляць даведку аб несудзімасці або апастыль для тых грамадзян Беларусі, якія не могуць вярнуцца ў Беларусь.

У бліжэйшы час Дэпартамент міграцыі плануе выпусціць падрабязную інструкцыю, якая тлумачыць дэталі працэдур легалізацыі беларусаў у Літве.

Святлана Ціханоўская ўзняла пытанне выдачы на больш доўгі перыяд ДНЖ па гуманітарных падставах, што таксама спрасціла б атрыманне пашпарта замежніка. У адказ на запыт паскорыць прыняцце рашэнняў па міжнароднай абароне літоўскі бок запэўніў, што пытанне заявак беларусаў знаходзіцца на кантролі і запазычанасць тлумачыцца неабходнасцю праверкі на бяспеку і апрацоўкі вялікай колькасці заявак ад украінскіх бежанцаў.

Чакаецца, што да сярэдзіны 2023 года гэтая запазычанасць будзе ліквідаваная, і беларускія заяўкі будуць разглядацца згодна з устаноўленымі тэрмінамі. Нагадаем, што Літва — адна з лідараў у ЕС па адсотку станоўчых хадайніцтваў на выдачу міжнароднай абароны для беларусаў.

Міністр Білатайце запэўніла Ціханоўскую, што Літва і літоўскі МУС працягнуць і далей падтрымліваць беларусаў у міграцыйных пытаннях. Цяпер у Літве пражывае больш за 49 000 беларусаў. Гэта другая пасля грамадзян Украіны замежная дыяспара ў Літве.

Паводле нядаўніх сацыялагічных даследаванняў, блізу 95% беларусаў у Літве дэкларуюць, што падтрымліваюць украінскі бок у канфлікце, а астатнія выбралі варыянт «не падтрымліваюць ніводзін з бакоў».

Каментары5

  • Праўдаруб
    05.04.2023
    Vad, закусывать трэба
  • svat
    05.04.2023
    Vad, пачакай яшчэ, не плач. Можа так, можа не.
  • Мойша
    05.04.2023
    Бязвіз трэба рабіць, каб людзі выехаць маглі, а так добрую справу Літва робіць для пуціна.

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць