Свет88

У мітрапаліта Ануфрыя і іншых іерархаў Украінскай праваслаўнай царквы знайшлі расійскія пашпарты

Мітрапаліт Кіеўскі і ўсёй Украіны Украінскай праваслаўнай царквы Маскоўскага патрыярхату Ануфрый (Арэст Беразоўскі) і яшчэ больш за 20 святароў Украінскай праваслаўнай царквы Маскоўскага патрыярхату маюць расійскае грамадзянства, вынікае з расследавання, праведзенага выданнем «Украінская праўда».

Мітрапаліт Ануфрый. Фота: прэс-служба УПЦ МП

Згодна з інфармацыяй, выцягнутай з сістэмы «Распашпарт», 20 сакавіка 2002 года мітрапаліт Ануфрый атрымаў у Маскве расійскі пашпарт. Праз год, 23 чэрвеня 2003 года, ён атрымаў яшчэ і замежны пашпарт грамадзяніна Расіі.

Гэтыя пашпарты ў яго былі не першыя, бо ў 1998 годзе святару ў Маскве ўжо выдавалі замежны пашпарт. А гэта значыць, што расійскае грамадзянства Ануфрый меў значна раней, чым з 2002 года.

Архірэй УПЦ МП і намеснік Дзесяціннага манастыра ў Кіеве Гедэон (Юрый Харон), аказваецца, таксама мае расійскае грамадзянства. Расійскі пашпарт ён атрымаў у 2019 годзе ў Маскве, а ў 2020-м атрымаў цэлыя два замежныя пашпарты грамадзяніна Расіі.

«Украінская праўда» высветліла таксама, што ў студзені 2023 года, амаль праз год пасля поўнамаштабнага ўварвання расійскай арміі ва Украіну, Гедэон праводзіў службу ў расійскай Казані. У яго малітве былі і словы ў падтрымку войскаў РФ і расійскага нападу на Украіну.

У снежні 2022 года расійскі пашпарт атрымаў таксама былы мітрапаліт Ізюмскі і Купянскі Елісей (Алег Іваноў). Пасля акупацыі Ізюма расійскімі войскамі Елісей працягнуў маліцца за патрыярха Кірыла і пачаў працаваць на акупацыйную ўладу. У прыватнасці, ён прымаў у сябе ў храме прадстаўнікоў акупацыйнай адміністрацыі Харкаўскай вобласці. Пасля дэакупацыі Ізюма Іваноў збег у Белгарад, дзе і атрымаў расійскі пашпарт.

Цяпер у рэдакцыі «Украінскай праўды» ёсць пацверджаная інфармацыя пра наяўнасць расійскіх пашпартоў больш чым у 20 святароў УПЦ МП. У найбліжэйшы час выданне абяцае апублікаваць гэтыя даныя на сваім сайце.

Цяпер жа рэдакцыя прыводзіць толькі некаторыя з прозвішчаў высокапастаўленых святароў УПЦ МП, якія маюць расійскае грамадзянства:

  • мітрапаліт Тульчынскі і Брацлаўскі Іанафан (Анатоль Ялецкіх);

  • вікарый Тульчынскай епархіі, епіскап Ладыжынскі Сергій (Сяргей Аніцэй);

  • вікарый Кіеўскай епархіі архіепіскап Панцеляймон (Віктар Башчук);

  • упраўляючы Чарнавіцка-Букавінскай епархіяй мітрапаліт Мялецій (Валянцін Ягоранка);

  • упраўляючы Хусцкай епархіяй мітрапаліт Марк (Мікалай Пятровіч);

  • упраўляючы Днепрапятроўскай епархіяй мітрапаліт Ірыней (Іван Сярэдні).

Каментары8

  • За Свабоду!
    07.04.2023
    Якая нечаканасць... Поўная забарона філіялаў фсбшнай секты і ва Украіне і ў Беларусі.
  • Правда
    07.04.2023
    Пусть уезжают в Москву, там открывают правильную, свою лавру. В которой будут
    благословлять на захватническую войну в Украине, на убийства украинцев, украинских
    детей, женщин, стариков, на изнасилования украинок. Пусть там служат дьяволу и путину!
    Нечего этим заниматься в Киеве !
     Да, гнать метлой в Москву и Кремль !
  • Kub
    07.04.2023
    На Беларусі ўсе папы будуць з раіскімі пашпартамі...

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся60

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць