Эканоміка

Фітнэс-цэнтр «Трайпла» ў Мінску купіў уладальнік фармацэўтычнага бізнэсу

У канцы мінулага тыдня фітнэс-цэнтр Evo wellness club у Мінску, які належаў «Трайплу» Юрыя Чыжа, прадалі на аўкцыёне. Гэта вынікае з інфармацыі на сайце «Белрэалізацыя». Комплекс за амаль 2,9 млн даляраў купіла кампанія «Белфарм-медыка», сузаснавальнікам якой з'яўляецца бізнэсовец Андрэй Шчэбраў. Realt.by расказала, што гэта за чалавек і які ў яго бізнэс.

Комплекс Evo wellness club знаходзіцца на вуліцы Багдановіча, 155. Ён пазіцыянуецца як прэміяльны фітнэс-клуб. Акрамя непасрэдна фітнэс-клуба, у комплексе на чатыры тысячы квадратных метраў ёсць рэстаран, салон прыгажосці, спа-зона, трэнажорная зала, басейн з рэлакс-зонамі і лазнямі, пілатэс-студыя і сталовая для персаналу.

Комплекс працуе ўжо больш за 10 гадоў, але нядаўна яго выставілі на таргі. Пачатковы кошт быў 13,3 млн рублёў — і некалькі таргоў не адбылося. У выніку цану панізілі на 30% і яна стала ўжо каля 9,3 млн рублёў. Новыя таргі прайшлі 14 красавіка. Яны былі арганізаваныя на паніжэнне — да мінімальнага кошту 8 млн рублёў.

На комплекс прэтэндавалі мінімум тры пакупнікі, а пераможцам аўкцыёну стала ТАА «Белфарм-медыка». Фітнэс-цэнтр абышоўся ёй у 8 475 980 рублёў (каля 2,9 млн даляраў па актуальным курсе).

Згодна з выпіскай з адзінага дзяржрэгістратара юрыдычных асоб, кампанія «Белфарм-медыка» існуе з 2010 года. Асноўны від яе дзейнасці — аптовы гандаль фармацэўтычнымі, медыцынскімі і артапедычнымі таварамі. Сузаснавальнікамі кампаніі з'яўляюцца бізнэсовец Андрэй Шчэбраў і СЗАТ «Белфарм».

65-гадовы Андрэй Шчэбраў — адзін з найвядомейшых бізнэсменаў на аптэчным рынку Беларусі. На пачатку 90-х разам з партнёрамі ён стварыў кампанію «Белфарм», якая стала першым прыватным пастаўшчыком замежных лекаў у краіну. «Белфарм» стала таксама першай у Беларусі прыватнай аптэчнай сеткай.

Росквіт «Белфарма» прыйшоўся на канец 1990-х — пачатак 2000-х гадоў, у якія кампанія паўдзельнічала ў аанаўскай праграме па абмене харчавання і лекаў на іракскую нафту.

Яшчэ ў 2010 годзе аптэчная сетка Шчэбрава і партнёраў займала другое месца пасля дзяржаўнай сістэмы «Фармацыя» па ліку кропак продажаў. Але ў апошняе дзесяцігоддзе яе пацяснілі больш агрэсіўныя гульцы, якія зрабілі стаўку на развіццё брэндаваных сетак.

У 2020 годзе сетка «Белфарм» ужо не ўваходзіла нават у дзясятку найбуйнейшых рознічных бізнэсаў, а яшчэ раней выпала з ліку вядучых дыстрыб'ютараў. У 2022 годзе аптэкі «Белфарма» увогуле перайшлі пад крыло сеткі «Востраў здароўя».

Каментары

Цяпер чытаюць

Крымскі мост зруйнаваны ўдарам украінскіх ракет48

Крымскі мост зруйнаваны ўдарам украінскіх ракет

Усе навіны →
Усе навіны

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?17

больш чытаных навін
больш лайканых навін

Крымскі мост зруйнаваны ўдарам украінскіх ракет48

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць