Свет99

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі

У сваім выступленні на Форуме па пытаннях пашырэння Еўрасаюза ў Бруселі старшыня Еўракамісіі Урсула фон дэр Ляен заклікала аднавіць амбіцыі і рашучасць, якія трыццаць гадоў таму дазволілі аб'яднаць Еўропу пасля падзення камунізму. Яна нагадала словы Вацлава Гавела пра агульны лёс, гісторыю і каштоўнасці еўрапейскіх народаў, а таксама пра неабходнасць самім вызначаць будучыню кантынента, каб гэтага не рабілі іншыя.

Урсула фон дэр Ляен. AP Photo/Geert Vanden Wijngaert

Па словах фон дэр Ляен, пашырэнне 2004 года істотна палепшыла жыццё мільёнаў людзей і прынесла эканамічныя выгады ўсяму Еўрасаюзу. У краінах, якія тады далучыліся да Саюза, рэальныя заробкі падвоіліся, а даходы на душу насельніцтва ў ЕС выраслі на 10%. Пашырэнне адкрыла новыя рынкі і павялічыла экспарт старых дзяржаў-членаў.

У якасці прыкладу розніцы паміж шляхамі развіцця еўрачыноўніца згадала Польшчу і Беларусь:

«Возьмем для прыкладу Польшчу і Беларусь. Пасля падзення камунізму ўзровень дабрабыту ў іх быў прыкладна аднолькавы, але, як мы ведаем, яны пайшлі вельмі рознымі шляхамі. Польшча выбрала дэмакратыю і еўрапейскую інтэграцыю, а Беларусь пайшла ў іншым кірунку. Сёння ВУП на душу насельніцтва ў Польшчы амаль утрая большы, чым у Беларусі».

Пашырэнне Еўрасаюза, паводле Урсулы фон дэр Ляен, умацавала не толькі эканоміку, але і бяспеку Еўропы. Цяперашнія члены ЕС з Цэнтральнай і Усходняй Еўропы адыгрываюць важную ролю ў супрацьдзеянні расійскай агрэсіі, умацаванні ўсходняй мяжы і падтрымцы Украіны. Будучыя ж члены, маўляў, таксама могуць зрабіць значны ўнёсак: Украіна — у развіццё абаронных тэхналогій, Малдова — у абарону дэмакратыі ад замежнага ўмяшання, а краіны Заходніх Балканаў — у развіццё адзінага рынку.

Сярод краін, якія набліжаюцца да ўступлення ў ЕС, фон дэр Ляен вылучыла Чарнагорыю і Албанію, а таксама адзначыла прагрэс Украіны і Малдовы. Яна заклікала скарыстацца новым імпульсам для пашырэння, каб больш еўрапейцаў маглі жыць у свабодзе, міры і дабрабыце.

Разам з тым, на яе думку, Еўрасаюз павінен падрыхтавацца да прыёму новых членаў.

Для гэтага неабходна зрабіць больш эфектыўным працэс прыняцця рашэнняў, каб павелічэнне колькасці дзяржаў не перашкаджала Саюзу дзейнічаць аператыўна.

Другі важны кірунак — паступовая інтэграцыя краін-кандыдатаў: адкрыццё ім доступу да асобных сектараў адзінага рынку ў абмен на неабходныя рэформы.

Прамоўца таксама прапанавала ўзмацніць кантроль за выкананнем абавязацельстваў пасля ўступлення, у тым ліку ў сферы вяршэнства права.

Напрыканцы Урсула фон дэр Ляен зноў звярнулася да бачання Вацлава Гавела: аб'яднаная Еўропа павінна быць не проста вялікім агульным рынкам, а супольнасцю народаў, якія жывуць у міры, захоўваючы сваю ідэнтычнасць і абапіраючыся на агульныя каштоўнасці. Прамоўца заклікала еўрапейскіх лідараў праявіць мужнасць і дальнабачнасць, каб зрабіць наступны крок да аб'яднання кантынента.

Каментары9

  • Minsk
    16.11.2026
    Пр...ла луковская Беларусь постсоветский транзит. Как были граждАне мозгами в совке, так и остались

    [Зрэдагавана]
  • Адмова?
    16.11.2026
    Ну так, слушна, але толькі хто каму адмовіў? Калі галасавалі за луку і інтэграцыю з эрэфіяй - таму што бачылі, што еўропа беларусаў не чакае. Ды й украінцы бачылі у той час тое ж - візы, бар'еры, рэгуляцыі...
  • вынік
    16.11.2026
    "Пасля падзення камунізму..."

    Ці можна з чыстым сумленнем сказаць, што беларусы асудзілі камунізм як тыя чэхі ці палякі? Або іншыя народы якія былі пад савецкім калашнікавам.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць