Ежа11

Запяканка з цёртай бульбы з гароднінай 

Гэтая вегетарыянская запяканка з гароднінай і сырным смакам мае хрусткую скарынку з цёртай бульбы. 

Hash Brown Breakfast Casserole
Запяканка з цёртай бульбы з гароднінай. Фота: eatingbirdfood.com

Для гэтай стравы лепш узяць замарожаныя дранікі, якія прадаюцца ў краме, — так будзе хутчэй і скарынка атрымаецца больш хрусткай. Калі ж вы будзеце рабіць цёртую бульбу ўласнаруч, то варта выкарыстоўваць папяровыя ручнікі, каб прыбраць як мага больш вільгаці з бульбы.

Што датычыць гародніны, у рэцэпце прапануецца перац, цыбуля, часнок, грыбы і шпінат, але вы можаце ўзяць любую гародніну, якая ёсць пад рукой. Брокалі, капуста ці кабачкі — таксама вельмі добры варыянт.

Вам спатрэбіцца:

  • 550 г (замарожанай) цёртай бульбы
  • 3 чайныя лыжкі аліўкавага алею
  • 1 шклянка жоўтай цыбулі, нарэзанай
  • 2 зубчыкі часнаку, здробненыя
  • 1 чырвоны салодкі перац, нарэзаны
  • 220 г шампіньёнаў, нарэзаных
  • 140 г маладога шпінату
  • 1 чайная лыжка солі (можа быць больш)
  • ½ чайнай лыжкі молатага чорнага перцу (можа быць больш)
  • 10 яек
  • ½ шклянкі звычайнага ці міндальнага малака. З раслінным малаком страва будзе лягчэйшая
  • ½ шклянкі цёртага вострага сыру чэдар

Як гатаваць:

  1. Разагрэйце духоўку да 200°C і змажце форму для выпечкі 9×13 алеем.
  2. Дадайце цёртую бульбу (калі яна замарожаная, то размарожваць не трэба) у форму для запякання і апырскайце 1 чайнай лыжкай алею, змешанага з дробкай солі і перцу. Запякайце каля 30 хвілін, пакуль бульба не падрумяніцца і не стане хрумсткай. Пасля таго, як вы выцягнеце бульбу з духоўкі, прыцісніце яе лапаткай, каб скарынка на дне зрабілася большай.
  3. Пакуль бульба запякаецца, дадайце 2 чайныя лыжкі алею ў вялікую патэльню на сярэднім агні. Калі алей стане гарачым, дадайце цыбулю, часнок, балгарскі перац і грыбы. Гатуйце, пакуль цыбуля не стане празрыстай, а ўся вадкасць з грыбоў не выпарыцца, прыкладна 7-10 хвілін.
  4. Дадайце ў сумесь шпінат, соль і перац і змяшайце, пакуль шпінат не завяне.
  5. Калі гародніна будзе гатова, зніміце з агню і дайце астыць.
  6. Узбіце яйкі і малако ў вялікай місцы.
  7. Калі гародніна астыне, дадайце яе, а таксама 1 шклянку цёртага сыру ў яечную сумесь і ўсё перамяшайце.
  8. Выліце яечную сумесь у форму для запякання (на бульбяныя аладкі) і дадайце яшчэ 1/2 шклянкі сыру чэдар.
  9. Выпякайце 20-25 хвілін, пакуль яйкі не перастануць быць вадкімі.
  10. Дайце пастаяць 5 хвілін і падавайце.

Вам могуць спадабацца і гэтыя стравы:

Рэцэпт на выхадныя. Грэчаская запяканка пастыцыа — зорная страва міжземнаморскай кухні

Рэцэпт на выхадныя. Боксці (boxty) — дранікі, але па-ірландску

Каментары1

  • Гуру Ман
    23.04.2023
    О! Але мяса дадаць не зашкодзіць. Лустачкі вуцінай грудкі, філе стронгі, ці дробныя кавалачкі запечанага з цыбуляй сьвінога вуха нададуць страве фенаменальны смак. Я вам кажу.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць