Грамадства11

Розніца — амаль у два разы. Як у Мінску працуюць крамы з таварамі IKEA і якія там цэны

Нядаўна ў «Еўраопце» на Мантажнікаў пачалі прадаваць тавары IKEA. Realt паглядзеў, дзе яшчэ ў Мінску можна знайсці прадукцыю гэтага вытворцы. Ёсць некалькі варыянтаў, дзе яна ёсць у наяўнасці. Якія там цэны і на колькі даражэй, чым у IKEA ў Вільні?

KEA Home, ГЗЦ Palazzo

KEA Home — самая новая крама з падборкі. Яна адчынілася ў ГЗЦ Palazzo ў канцы мінулага года. Тут ёсць тавары для кухні, посуд, пасцельная бялізна, цацкі і іншыя дробязі. У сярэднім, цэны тут вышэйшыя, чым у іншых крамах. Напрыклад, настольная лямпа Forsa, якая ў іншай краме каштуе 80 рублёў, тут прадаецца за 150. У IKEA яна абыйдзецца ў 20 еўра (каля 65 рублёў).

Набор сталовых прыбораў можна купіць па кошце ад 100 да 146 рублёў, Шкляны графін — за 40 (у «Містар Дом» ён каштуе 25, а ў IKEA 6 еўра, або каля 20 рублёў), тэрмас — за 35 (у «Містар Дом» — 26, у IKEA 5 еўра, або каля 16 рублёў).

Папулярныя шампанкі, якія ўжо некалькі месяцаў мільгаюць у Instagram, прадаюцца ў KEA Home за 90 рублёў (15 еўра ці крыху менш за 50 рублёў у IKEA). Набор з чатырох кухонных ручнікоў каштуе 22 рублі. Сурвэтка пад прыборы — 30 рублёў. Металічны кошык — 42 рублі, кошык з водарасцяў — 55. Набор з трох інстаграмных падсвечнікаў абыдзецца ў 60 рублёў (у IKEA — 10 еўра, каля 32 рублёў).

У KEA Home ёсць некалькі пазіцый з небуйной мэблі. Напрыклад, стол-падстаўку для ноўтбука тут можна купіць за 180 рублёў, а стол-паднос — за 110.

Swed House, ТРЦ Diamond City

Крама Swed House працуе ў Diamond City. Хутка павінна з'явіцца яшчэ адзін пункт сеткі — на «Экспабеле», цяпер там вісіць расцяжка аб хуткім адкрыцці і пошуку прадаўцоў. Нядаўна магазін адкрыўся і ў Расіі. Акрамя тавараў, якія прывезлі з IKEA, тут ёсць і аналагі, якія візуальна ніяк не адрозніваюцца. Гэта тавары з тых фабрык, якія раней працавалі для IKEA. Сярод такіх — крэсла «Тойва Skiftebo» аранжавага колеру — аналаг ікееўскага Strandmon. Яно прадаецца за 483 рублі. У Літве арыгінал абыдзецца ў 209 еўра (у пераводзе на рублі выйдзе каля 660). Камода «Кантры» чорнага колеру каштуе 639 рублёў, аналаг вядомай калекцыі Hemnes за 279 еўра (каля 900 рублёў).

У Swed House прадстаўлена досыць шмат буйнагабарытнай мэблі — ложкі і канапы, сталы і крэслы, шафы і стэлажы. Усё гэта выстаўлена ў гандлёвым цэнтры побач з крамай.

У самой краме прадаюцца кухонныя дробязі, посуд, аксесуары для ванны, цацкі, дываны, пасцельная бялізна. Бакалы для шампанскага каштуюць тут 93 рублі, гэта крыху даражэй, чым у KEA Home. Драўляны паднос Snudda абыдзецца ў 49 рублёў. У асноўным цэны тут ніжэй, чым у KEA Home.

«Містэр Дом», ГЗЦ «Цівалі»

Раней у «Цівалі» быў зусім невялікі магазін тавараў з IKEA, але пару месяцаў таму ён пашырыўся. Цяпер тут прадаюцца не толькі дробязі, ёсць невялікая мэбля і прадметы інтэр'еру — таршэры, столікі, крэслы. Гэта самы танны магазін з трох.

Настольную лямпу можна купіць за 20 рублёў. Маленькі часопісны столік каштуе 40, вялікі — 50, прастакутны — 120. Сервіравальны стол Gladom — 100 рублёў, гэта танней на 10 рублёў, чым у KEA Home. Зэдлік-лесвіца на дзве прыступкі каштуе 60 рублёў.

Дык дзе купляць?

Выгадней за ўсё рабіць пакупкі ў «Містэр Дом» у ГЗЦ «Цівалі». На некаторыя тавары цэны тут ніжэйшыя амаль у два разы, чым у KEA Home ў Palazzo. Для тых, хто шукае мэблю, найлепшым варыянтам будзе Swed House ў Diamond City. Па-першае, тут самы шырокі асартымент мэблі. А па-другое, яе можна купіць нават танней, чым у IKEA, калі абраць аналагі. У KEAHome варта ісці па канкрэтныя тавары, на зніжках яны могуць быць таннейшыя, чым у іншых крамах.

Каментары1

  • SHOS
    25.04.2023
    Так там семейка синепалого присосалась ко всем кормушкам. А Беларуси должны горбатиться, чтобы втридорога купить себе мусорку в туалет. Колхозный рай

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць