Навука і тэхналогіі44

Вялікая батарэя зможа забяспечваць энергасілкаваннем увесь ваш дом амаль тыдзень

Новая лінейка Solix ад амерыканскай кампаніі Anker абяцае назапашвальнікі энергіі саліднай ёмістасці для тых, хто дбае пра наваколле, альбо для тых, хто не хоча цалкам залежаць ад схільных да адключэнняў цэнтралізаваных электрасетак.

Выява: Anker

Імкненне цывілізаваных краін да зялёнай энергіі рухае тэхналогіі наперад у гэтым кірунку. Anker — амерыканскі брэнд, найбольш вядомы сваімі кабелямі і партатыўнымі зараднымі прыладамі. Але кампанія паступова нарошчвала свае партатыўныя рашэнні для энергасілкавання і цяпер прэзентавала новую лінейку вялікіх акумулятараў Solix, якая, як абяцаюць, зможа падтрымліваць працу ўсяго дома ў выпадку адключэнняў цэнтралізаванай энергасеткі.

Нягледзячы на ​​тое, што кошт сонечнай тэхналогіі паступова становіцца больш даступным для многіх домаўласнікаў, яна мае свае ўнікальныя праблемы, у прыватнасці, надзейнасць. То-бок пакуль не заўсёды можна быць упэўненым, што сонечная панэль на даху будзе выпрацоўваць дастатковую колькасць энергіі для задавальнення вашых патрэб на працягу 24 гадзін і без выхадных, таму лепш спалучаць яе акурат з акумулятарам, каб назапашваць энергію, калі яе зашмат, і выкарыстоўваць, калі яе не хапае.

І тут у гульню ўваходзіць сістэма назапашвання Solix, пра якую расказвае Gizmodo. Кампанія абяцае, што ў наступным годзе батарэя будзе даступная ў розных ёмістасцях і памерах, прычым самы вялікі варыянт будзе памерам з невялікі халадзільнік. Батарэі таксама распрацаваныя як модульныя, так што некалькі блокаў змогуць быць злучаныя ў ланцужок для забеспячэння большай магутнасці і ёмістасці па меры неабходнасці: ад 5 кВт*гадз (што дастаткова для падтрымання працы дома сярэдняга памеру цягам некалькіх гадзін) да 180 кВт*гадз (што дастаткова для падтрымання электраэнергіі ў доме на працягу тыдня).

Выява: Anker

Гэта больш, чым ёмістасць, якую можна дасягнуць, напрыклад, з сістэмай Tesla Powerwall 2, якую можна павялічыць максімум да 135 кВт*гадз. Anker абяцае, што іх рэзервовая сістэма Solix, што працуе на літый-жалеза-фасфатных акумулятарах і кантралюецца апаратным і праграмным забеспячэннем кампаніі, будзе сумяшчальная з існымі і новымі сонечнымі панэлямі, а ў канчатковым выніку таксама зможа зараджаць і электрамабілі.

Новая лінейка Anker Solix таксама падыдзе для будынкаў, на даху якіх па тых ці іншых прычынах немажліва змясціць сонечную панэль. Уладальнікі кватэр у Еўропе, у якіх, напрыклад, няма ўласнага даху ці задняга двара, ужо маюць магчымасць набыць балконную сістэму з сонечнай панэллю Anker Solix RS40. Зноў-такі фірма абяцае, што пачынаючы з наступнага года гэтая сонечная сістэма зможа спалучацца з модульнымі батарэямі Solix Solarbank ёмістасцю ад 1,6 кВт*гадз да 3,2 кВт*гадз, што забяспечыць аварыйнае сілкаванне на некалькі гадзін у выпадку адключэння энергіі.

Адзінае, што ў Anker не раскрылі наконт лініі Solix, — гэта тое, колькі яна будзе каштаваць. Але, напрыклад, у лінейцы партатыўных электрастанцый Anker PowerHouse ёсць мадэль Anker Solix F2000, якая прапануе больш за 2 кВт*гадз энергіі за 2000 даляраў, што дае прыблізнае ўяўленне, колькі будзе каштаваць ёмістасць 180 кВт*гадз.

Каментары4

  • Green energy
    02.07.2023
    Тым часам у Беларусі шукаюць месца для захоу́вання ядзернага смецця што плануюць прывозіць да нас з Расеі.
  • Джордж
    02.07.2023
    Green energy, ядзернае смецце робіцца ў Беларусі і захоўваецца ў Беларусі
  • Казік
    02.07.2023
    Джордж, Беларусь выплочвае доўг расеі за пабудову станцыі, будзе падаваць у расею электраэнергію, купляе ў расеі ядзернае паліва для станцыі і захоўвае ў сябе. Выдатны бізнэсплан!

Цяпер чытаюць

Ці пагражае Крыму блакада праз паралізаваны Крымскі мост?13

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?13

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць