Ежа22

Колькі можна з'есці чарэшні, каб не стала дрэнна

Нягледзячы на нізкую каларыйнасць, чарэшня, як і іншыя летнія ласункі, настолькі прыцягальная, што адарвацца складана.

Ілюстрацыйнае фота «Наша Ніва»

Журналістка Tochka.by даведалася ў дыетолага-нутрыцыёлага Марты Марудавай, ці так лёгка худнець на чарэшні і як правільна ўпісаць у рацыён гэтую салодкую ягаду.

Чым карысная чарэшня?

Як і ўсе ягады, чарэшня — сапраўдная скарбніца карысных вітамінаў, мікра— і макраэлементаў. У ёй шмат арганічных кіслот і вітаміна С (з'ясі 100 грам — і пакрыеш пятую частку сутачнай патрэбнасці ў гэтым вітаміне).

У чарэшні ёсць жалеза, ёд, калій, кальцый і магній, таму яна так карысная для імунітэту, а яшчэ дапамагае выводзіць лішнюю вадкасць з арганізму, запускае працэсы тлушчаспалення, пазітыўна ўплывае на памяць і сон.

Акрамя таго, ягада мае адносна нізкую каларыйнасць — усяго 52 ккал на 100 грам. Але ў ёй таксама шмат і цукру (фруктоза, глюкоза) — 11 грам вугляводаў на 100 грам, што таксама нямала.

Еж і худзей?

Мала хто зможа адмовіцца ад сакавітай і саспелай чарэшні ў самы разгар сезону. Але аб'ядацца такімі вітаміннымі ягадамі таксама варта з асцярожнасцю, калі вы клапоціцеся пра фігуру. Як і многія іншыя ягады, чарэшня таксама нясе пагрозу для стройнай таліі. І вось чаму.

Хіба вы абмяжоўвалі сябе толькі жменькай саспелых чарэшанак, калі так удала прыкупілі кілаграм-другі сакавітых бардовых ягад? Хочацца з'есці адразу ўсё, калі яшчэ дачакаемся наступнага сезона?

А між іншым у кілаграме чарэшні змяшчаецца ўжо больш за 500 калорый — больш, чым было б пры нармальным прыёме ежы.

А паўнавартасна паесці захочацца вельмі хутка.

«Кіслы прысмак ягад пасля іх прыёму прымушае есці больш і пераядаць, таму запомніце залатое правіла паглынання чарэшні і іншых летніх ласункаў: толькі ў канцы асноўнага прыёму ежы або ў складзе стравы. Калі думаеце пра тонкую талію, не забывайце, што ягада — гэта дэсерт, няправільна есці столькі, колькі ўлезе», — кажа Марта Марудава.

Таму лепш за ўсё расцягнуць кілаграм чарэшні на некалькі прыёмаў ежы: паеў — на дэсерт 100-200 грам ягад. І смачна, і для фігуры не шкодна.

Як правільна замарозіць чарэшню?

Калі ягад наеўся дастаткова і хочацца парадаваць сябе яшчэ і зімой, лепш не рабіць з іх варэнне — не ператвараць карысць у лішнія калорыі і вугляводы. А замарозіць! Вось пакрокавая інструкцыя, як гэта зрабіць без страты вітамінаў:

  • Перабіраем ягады, мыем;
  • абавязкова прасушыць іх на папяровым або вафлевым ручніку;
  • спачатку выкладваем ягады на талерку і ставім іх у лядоўню на пару гадзін;
  • калі ягады зацвярдзелі, перакладаем іх у кантэйнер або спецыяльны пакет для замарозкі.

Важна: потым размарожваць ягады не пры пакаёвай тэмпературы, а ў халадзільніку. Так захаваюцца карысныя рэчывы і не з'явяцца хваробатворныя мікраарганізмы.

У лядоўні ягады могуць захоўвацца да 6-10 месяцаў пры тэмпературы ад -6°C да -10 °C. Можна адразу прыгатаваць ягаднае пюрэ, узбіўшы іх у блэндары і замарозіўшы.

Каментары2

  • Mafkees
    04.07.2023
    Экзистенциальный вопрос для хоббитов.
  • mikola
    16.07.2023
    ja z*eu 0,5 kg....u Polskai....

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць