Свет

Прэзідэнты Польшчы, Літвы і Латвіі папярэдзілі NATO пра пагрозу з боку Беларусі

У лісце тры лідары заяўляюць, што супрацоўніцтва паміж Масквой і Мінскам падрывае бяспеку рэгіёна і ўсёй еўраатлантычнай прасторы.

Фота: Omar Havana / Getty Images

Прэзідэнт Літвы Гітанас Наўседа разам з польскім і латвійскім калегамі Анджэем Дудам і Эгілсам Левітсам напісалі ліст генсакратару NATO Енсу Столтэнбергу, у якім папярэджваюць пра пагрозу з боку Беларусі. Ліст распаўсюдзіла прэс-служба літоўскага прэзідэнта.

У лісце тры лідары заяўляюць, што супрацоўніцтва паміж Масквой і Мінскам падрывае бяспеку рэгіёна і ўсёй еўраатлантычнай прасторы.

Прэзідэнты адзначаюць, што Расія выкарыстоўвае тэрыторыю Беларусі і яе рэсурсы для сваёй агрэсіўнай вайны супраць Украіны, што сведчыць аб усё больш цеснай вайсковай інтэграцыі паміж дзвюма краінамі.

«Яе нядаўняй праявай стала размяшчэнне тактычнай ядзернай зброі на тэрыторыі Беларусі. Гэта эскалацыйны крок у кантэксце вайны ва Украіне і прамая пагроза бяспецы нашай супольнасці. Гэта яшчэ адно грубае парушэнне асноватворнага акта Расія — NATO і жывы доказ таго, што гэты дакумент больш не дзейнічае», — гаворыцца ў лісце.

Наўседа, Дуда і Левітс таксама папярэджваюць, што перамяшчэнне расійскіх наймітаў «Вагнера» і іх лідара Яўгена Прыгожына ў Беларусь «створыць рызыку для палітычнай стабільнасці ў Беларусі і, як вынік, [азначае] патэнцыйную страту кантролю над звычайнымі і ядзернымі ўзбраеннямі».

Прэзідэнты таксама адзначаюць, што прысутнасць вагнераўцаў можа прымусіць Беларусь аднавіць правакацыі з мігрантамі на мяжы з ЕС.

«Сёння, напярэдадні саміту NATO ў Вільні (які пройдзе 11-12 ліпеня. — «НН»), мы маем патрэбу ў салідарнасці і адзінстве для процідзеяння ўсім пагрозам у адпаведнасці з прынцыпам «360 градусаў», у тым ліку і тым, што ўзніклі ў выніку нядаўніх падзей у Беларусі. Мы павінны паказаць Расіі, што мы бачым і разумеем іх, што мы гатовыя выкарыстоўваць усе магчымыя сродкі для процідзеяння ім», — гаворыцца ў лісце.

Каментары

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць