Свет1212

Саудаўская Аравія і Турцыя вядуць таемныя перамовы па вяртанні ўкраінскіх дзяцей з Расіі і Беларусі — Financial Times

Паводле інфармацыі крыніц выдання, Украіна і Расія ў гэтым пытанні настолькі непрымірымыя, што не маюць ніякіх прамых кантактаў. Таму на дапамогу прыходзяць пасярэднікі ў асобе некаторых краін і нават пэўных людзей.

Фота: Вадзім Гірда / АР

18 ліпеня выданне Financial Times са спасылкай на некалькі крыніц паведаміла аб таемным імкненні Турцыі і Саудаўскай Аравіі паспрыяць вяртанню дадому ўкраінскіх дзяцей з Расіі і Беларусі. 

Крыніцы, знаёмыя з сітуацыяй, падкрэсліваюць, што і Украіна, і Расія з-за «надзвычайнай адчувальнасці і спрэчнасці пытання» не вядуць аніякіх прамых перамоў на гэту тэму. 

Таму некаторыя краіны і асобныя людзі вось ужо некалькі месяцаў спрабуюць непублічна граць ролю пасярэднікаў з мэтай заключыць дамову аб рэпатрыяцыі ўкраінскіх дзяцей.

«Непасрэднай сувязі паміж украінскім і расійскім бакамі няма, бо гаворка ідзе не пра звычайны абмен ваеннапалоннымі, а пра вяртанне цывільных асоб. Тым больш гаворка ідзе пра дзяцей, што робіць пытанне надзвычай спрэчным і адчувальным. 

Бакамі нават не вядуцца цэнтралізаваныя запісы аб тым, колькі дзяцей было вывезена з Украіны. На дапамогу ў гэтым і іншых пытаннях прыходзяць некаторыя краіны, напрыклад, Саудаўская Аравія і Турцыя, а таксама існуе пасярэдніцтва асобных людзей, як расійскі бізнэсмен Раман Абрамовіч», — піша выданне Financial Times са спасылкай на свае крыніцы.

Нагадаем, што пытанне вывазу ўкраінскіх дзяцей ужо стала прычынай для выдачы ордара на арышт прэзідэнта Расіі Уладзіміра Пуціна з боку Міжнароднага крымінальнага суда.

Расійскія ўлады з пачатку вайны ва Украіне актыўна вывозяць адтуль тысячы дзяцей і адпраўляюць іх у свае лагеры, санаторыі прыёмныя сем'і і г. д., спрабуючы пры гэтым перавыхаваць нацыянальную свядомасць дзяцей і нават навучаючы іх валодаць зброяй. 

У гэтым працэсе таксама ўдзельнічае і рэжым Лукашэнкі ў Беларусі, на загад якога ў краіну ўжо было вывезена некалькі тысяч украінскіх дзяцей, што публічна прызналі прапагандысты, а таксама афіцыйна пацвердзілі ўкраінскія ўлады.

Каментары12

  • Жвір
    18.07.2023
    Якія ж яны таемныя, перамовы, калі пра іх ведае FT ? І чаму FT разгалошвае тое, што называе чыёйсьці таямніцай ? Нехта скажа, што гэта проста так ? :)
  • У кошки 4 ноги . Мамочка.
    18.07.2023
    Эвакуировали вроде сирот из детдомов, так? Если бы они были нужны Украине , то они бы их эвакуировали, но вам это похоже все равно, просто ещё один повод покричать.
  • ...
    18.07.2023
    У кошки 4 ноги . Мамочка., ага, если бы Москва была нужна России, её не сожгли бы Французы. Если бы тысячи интернированных были нужны СсСР, их не увезли бы в Германию. Если бы тебе нужна была совесть, ты б не написал свой тупой комментарий...

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць