Грамадства11

Мы не ўдзельнічаем у вывазе дзяцей за межы Украіны — рэгіянальны офіс ЮНІСЕФ

«Наша Ніва» звярнулася ў рэгіянальны офіс ЮНІСЕФ у Еўропе і Цэнтральнай Азіі пасля заявы дэпутаткі Палаты прадстаўнікоў Людмілы Макарынай-Кібак аб спрычыненасці шэрага гуманітарных арганізацый да вывазу дзяцей з акупаваных Расіяй украінскіх тэрыторый.

Дзеці з Данбаса, якіх прывозяць у Беларусь. Скрын сюжэта БТ

У каментары дзяржаўнаму тэлеканалу АНТ Людміла Макарына-Кібак сказала, што дзеці ў Беларусь «прыязджаюць у адпаведнасці з міжнароднымі патрабаваннямі пры садзейнічанні міжнародных арганізацый і фондаў ААН, Чырвонага Крыжа і ЮНЕСКА».

Дэпутатка не згадала ЮНІСЕФ, але, магчыма, мела гэту арганізацыю на ўвазе, бо ЮНЕСКА не займаецца дапамогай дзецям, а вырашае пытанні навукі і культуры.

«Наша Ніва» адправіла запыт рэгіянальны офіс ЮНІСЕФ у Еўропе і Цэнтральнай Азіі.

«ЮНІСЕФ не мае доступу да тэрыторый, непадкантрольных ураду Украіны, і мы не ўдзельнічаем у перадачы гэтых дзяцей за межы Украіны», — было сказана ў адказе.

«Мы па-ранейшаму глыбока занепакоеныя паведамленнямі аб эвакуацыі дзяцей, якія адбываюцца без адпаведных гарантый, аб паспешлівым вывазе дзяцей з месцаў перасялення, якія не ўлічваюць інтарэсаў дзяцей, і аб паскораных працэдурах змены або надання грамадзянства, якія непатрэбныя для абароны дзяцей і не павінны адбывацца падчас надзвычайнай сітуацыі», — дадалі ў арганізацыі.

Адказ рэгіянальнага офісу ЮНІСЕФ у Еўропе і Цэнтральнай Азіі «Нашай Ніве»

Як ставіцца рэгіянальны офіс ЮНІСЕФ у Еўропе і Цэнтральнай Азіі да вывазу ўкраінскіх дзяцей з акупаваных Расіяй украінскіх тэрыторый і ці лічыць гэта злачынствам?

«Мы па-ранейшаму можам і гатовыя ўзаемадзейнічаць з усімі дзяржавамі ў вызначэнні шляхоў уз'яднання семʼяў і заклікаем да сістэматычнага выяўлення, адсочвання і ўзʼяднання семʼяў гэтых дзяцей, калі гэта адпавядае іх сапраўдным інтарэсам», — адказалі ў арганізацыі.

Раней Беларускі Чырвоны Крыж трапіў у скандал пасля таго, як яго генеральны сакратар Дзмітрый Шаўцоў засвяціўся на Данбасе з Z-сімволікай, забароненай статусам Чырвонага Крыжа, і пацвердзіў, што яны дапамагаюць вывозіць дзяцей з акупаваных тэрыторый Украіны.

Міжнародная федэрацыя таварыстваў Чырвонага Крыжа і Чырвонага Паўмесяца (IFRC) заявіла, што дзеянні Шаўцова падрываюць давер да арганізацыі.

Федэрацыя выказала заклапочанасць сітуацыяй з Беларускім Чырвоным Крыжам і заклікала спыніць любую падобную дзейнасць у будучыні.

Ва Украіне і на Захадзе прымусовы вываз украінскіх дзяцей у Расію і Беларусь трактуецца як ваеннае злачынства.

Па словах палітыка Паўла Латушкі, за час вайны больш за 2000 украінскіх дзяцей, у асноўным сірот, былі незаконна перавезеныя з часова акупаваных Расіяй тэрыторый Украіны ў лагеры на тэрыторыі Беларусі.

Вывазам украінскіх дзяцей актыўна займаецца фонд Аляксея Талая. Нядаўна Талай прызнаў, што ў гэты працэс асабіста заангажаваны Лукашэнка.

Кіраўнік фонду перамяшчэнне ўкраінскіх дзяцей тлумачыць гуманітарнымі патрэбамі. 

Незаконны вываз дзяцей з акупаваных расійскімі войскамі тэрыторый Украіны згадваецца сярод злачынстваў, за якія дэпутаты Еўрапарламента заклікаюць Міжнародны крымінальны суд у Гаазе разгледзець магчымасць выдачы ордара на арышт Лукашэнкі.

Менавіта за гэта былі выдадзеныя ордары на арышт прэзідэнта Расіі Уладзіміра Пуціна і ўпаўнаважанай па правах дзіцяці пры прэзідэнце РФ Марыі Львовай-Бяловай.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

Латушка ацаніў імавернасць выдачы ордара на арышт Лукашэнкі за размяшчэнне вывезеных з Украіны дзяцей

«А мы гэта канкрэтна можам зрабіць» — Шаўцоў з Чырвонага Крыжа пра ядзерную зброю

У Гаазе запрацаваў Міжнародны цэнтр па расследаванні вайны ва Украіне — першы крок да трыбунала над расійскімі ўладамі

Каментары1

  • Санек
    23.07.2023
    Чаму? Зараз усе так робяць. Чырвоны Крыж так робіць

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць