Спорт

Футбаліст з чэмпіянату Беларусі стаў гульцом топавага французскага клуба

Гістарычны трансфер для вышэйшай лігі, але не для беларускага футбола.

Фота з інстаграма «Ланса»

Экс-абаронца мінскага «Энергетыка-БДУ» Абдукадзір Хусанаў падпісаў кантракт з французскім «Лансам», які ў мінулым сезоне заняў другое месца ў Лізе 1.

За «Энергетык» Абдукадзір правёў 35 матчаў у чэмпіянаце, дзе адзначыўся 4 галамі і 4 асістамі. Таксама на яго рахунку 2 паядынкі ў Кубку Беларусі.

«Не забываем і пра сярэбраныя медалі мінулага сезона! Дзякуй за гульню, Абдукадзір! Любім і ганарымся!» — напісаў клуб у сацсетках. Хусанаву — 19 гадоў.

У сакавіку гэтага года ён у складзе моладзевай зборнай Узбекістана стаў чэмпіёнам Азіі, забяспечыўшы сабе права ўзяць удзел і ў чэмпіянаце свету. Там Узбекістан прабіўся ў плэй-оф, але ў 1/8 фіналу пацярпеў паражэнне.

У чэрвені Хусанаў таксама дэбютаваў за нацыянальную зборную Узбекістана ў турніры CAFA Nations Cup 2023, дзе двойчы нават выходзіў у стартавым складзе. Але ў фінале таго турніру Узбекістан саступіў Ірану (0:1).

«Ланс» у мінулым чэмпіянаце Францыі заняў другое месца, толькі адзін бал саступіўшы ПСЖ. Клуб будзе гуляць у групавым раўндзе Лігі чэмпіёнаў.

Што да беларускіх футбалістаў у чэмпіянаце Францыі, то ў свой час за «Мец» гуляў Сяргей Крывец (за тры гады згуляў 36 матчаў, забіў два галы), за «Нансі» галкіпер Сяргей Чэрнік (правёў за чатыры гады 44 матчы, прапусціў 55 мячоў).

У красавіку 2022 года ў «Бастыю» (Ліга 2) з украінскага «Коласа» перайшоў Мікалай Золатаў, але згуляў толькі адзін паядынак і вярнуўся назад ва Украіну.

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць