Грамадства33

То козы, то сувязісты, то касцы. У Чэрыкаве ўжо два разы спрабавалі закласці парк каля возера, ды ўсё не па кані корм 

У Чэрыкаве на пустцы каля возера ў раёне вуліц Кавалёва і Сормаўскай ужо неаднаразова спрабавалі высадзіць саджанцы ліпы і бярозы, каб стварыць паркавую зону. Аднак кожны раз умешваюцца розныя абставіны, і праца ўрэшце ідзе ў глум, піша раённая газета «Веснік Чэрыкаўшчыны».

Пяць гадоў таму саджанцы ліпы тут высаджвалі пад кіраўніцтвам намесніка старшыні райвыканкама. Аднак не ўлічылі, што сюды любіла вадзіць пасвіць свой казіны статак мясцовая жыхарка з дому непадалёк. Скончылася тым, што жывёлы пааб'ядалі парасткі, і яны засохлі.

Увосень 2021 года мясцовы жыхар Віктар Раманаў, кіраўнік аднаго з грамадскіх аб’яднанняў, паспрабаваў пасадзіць парк другі раз. Гэтым разам саджалі ліпы і бярозы, і козы ў справу не ўмешваліся: з іхнімі гаспадарамі правялі тлумачальную работу. Але было каму шкодзіць і без коз.

«Прыкладна праз тыдзень пасля пасадкі некалькі дзясяткаў саджанцаў было вырвана з каранямі, — распавёў выданню Віктар Раманаў. — На наступны год на месцы пасадкі засталося каля 10 саджанцаў, астатніх нават выдранымі не аказалася».

Намеснік старшыні Чэрыкаўскага райвыканкама, які курыруе пытанні будаўніцтва і жыллёва-камунальнай гаспадаркі, Дзмітрый Клімянкоў выказаў здагадку, чым можа тлумачыцца гэтая прыкрая з'ява.

«З досведу скажу: часам мы сутыкаемся з тым, што грамадзяне прапаноўваюць азеляніць той ці іншы ўчастак у горадзе або іншых населеных пунктах раёна, але, як высвятляецца пазней, у гэтых месцах пралягаюць рознага роду камунікацыі, якія не сумяшчальныя з пасадкамі дрэў.

Наколькі мне вядома, у месцы, пра якое ідзе гаворка, таксама пралягаюць лініі сувязі, на вызначанай адлегласці ад якіх не могуць быць пасаджаныя і расці дрэвы. Гэта патрабаванне павінна абавязкова выконвацца».

Але і дзесяці саджанцам, якія ўпісаліся ў патрабаванні сувязістаў па адлегласці, спакойнага жыцця ніхто не забяспечыў:

палову іх сёлета проста скасілі падчас чарговай касьбы ўзбочын.

Цяпер раённае начальства разважае: ці варта ўвогуле закладаць парк ля гэтага возера, ці ўжо хай будзе як ёсць. Калі вынік разваг будзе станоўчы, то ўвосень, магчыма, паспрабуюць зрабіць гэта ўжо трэці раз.

Каментары3

  • mikola
    27.07.2023
    Kazlou prybrac. Park adczynjac.
  • Надоел
    27.07.2023
    mikola, пошел вон!
  • Казік
    28.07.2023
    Саджанец трэба не проста ўтачыць у зямлю і забыцца. А паставіць вакол яго драўляную рамку-агароджу, якая абароніць дрэва на першыя гады.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць