Грамадства77

Новы сайт «Прессбола» не пратрымаўся і дня

Учора спартыўная газета «Прессбол» паведаміла, што вяртаецца ў інтэрнэт з новым адрасам. Сёння сайт ужо заблакавалі. 

Пры пераходзе на сайт з'яўляецца паведамленне ад Міністэрства інфармацыі аб блакіроўцы дадзенага рэсурсу. Паколькі сайт быў на беларускім дамене, ён не адкрываецца ў тым ліку з-за мяжы і праз VPN.

Нагадаем, што 16 чэрвеня Міністэрства інфармацыі распаўсюдзіла заяву, што на падставе ведамаснага маніторынгу на прадмет «выканання нацыянальнага заканадаўства аб СМІ» заблакаваны сайт спартыўнага выдання «Прессбол». Пры гэтым прычына такога рашэння не называлася. Але пазней стала вядома, што рэдакцыя пацярпела за тое, што на сайце заставалася архіўнае фота футбаліста з «чорнага спіса» Мінспорту.

«Прессбол» — найстарэйшае незалежнае беларускае спартыўнае выданне з больш як 30-гадовай гісторыяй. На фоне драматычных падзей 2020-га газета апублікавала адкрыты ліст спартоўцаў за сумленныя выбары і супраць гвалту сілавікоў.

Выразная грамадзянская пазіцыя стала падставай да кадравых ратацый, у выніку Беларуская федэрацыя футбола, як галоўны акцыянер, дамаглася змены галоўнага рэдактара на былога карэспандэнта дзяржаўнага тэлеканала АНТ Сяргея Лісічкіна. Нягледзячы на тое, што журналіст не меў досведу адміністрацыйнай працы, рашэнне ўхвалілі ў абыход рэдакцыйнага калектыву.

У выніку тады практычна ўсе вядучыя супрацоўнікі пакінулі «Прессбол» на знак пратэсту супраць «захопу выдання».

Тыя ж журналісты, што засталіся працаваць у выданні, свядома прынялі рашэнне, як выказаўся адзін з яго заснавальнікаў Юрый Арлоў, «затупіцца», дыстанцыяваўшыся ад грамадска-палітычнай тэматыкі і засяродзіўшыся на асвятленні ўласна спартыўных навін з нейтральнай пазіцыі. Але, як паказала жыццё, у цяперашніх умовах гэта ўсё адно не ратуе ад рэпрэсіўных захадаў з боку дзяржавы, для якой проста нейтральнасці і апалітычнасці ўжо недастаткова.

Каментары7

  • Юзик
    05.08.2023
    Сапраўдны ПБ даўно памёр.
    А тое што адбываецца з гэтымі прыкарытнікамі - увогуле похер!
  • ага
    06.08.2023
    Дубаломы,

    точно, .com не смогли бы заблокировать - так? и кто дуболом?
    редакция прессбола всеми силами любымии способами демонстрирует лояльность, а их блочат из-за мелкой формальности т.е. ни во что не ставят - и это вызывает презрение к редакции: никакого чувства собственного достоинства да и откуда ему взяться у этих людей
  • даведка
    06.08.2023
    Я охреневаю с наших айтишников, до сих пор пользующихся российским Telegram и белорусским хостингом.

Цяпер чытаюць

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Усе навіны →
Усе навіны

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных6

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

больш чытаных навін
больш лайканых навін

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць