Здарэнні11

У Віцебскім раёне сотні шэршняў атакавалі людзей на турбазе, аднаго чалавека ледзь адратавалі

Надзвычайнае здарэнне адбылося на возеры Белае паблізу турбазы «Верасы» Віцебскага раёна, паведаміла выданне «Віцьбічы».

Здымак ілюстрацыйны. Фота: gstudioimagen / vecteezy.com

«Калі мы прыбылі на месца, убачылі ляжачага напалову ў вадзе, — мабыць, ён хацеў выратавацца ў возеры, — пасінелага ацёклага чалавека без прытомнасці.

Над пакусаным мужчынам працягваў кружыць рой шэршняў, — расказаў начальнік дзяжурнай змены гарадскога аддзела па надзвычайных сітуацыях Дзмітрый Палінскі. —

Мы кінуліся ратаваць пацярпелага, хоць таксама атрымалі ўкусы. Пачалі рэанімаваць, выкарыстоўваючы тыя сродкі, што ў ратавальнікаў заўсёды пад рукой: спецыяльны мяшок штучнай вентыляцыі лёгкіх (эфекту ён не даў), затым балон са сціснутым паветрам і кіслародную маску.

Чалавек амаль не падаваў прыкмет жыцця. У нейкі момант мне нават здавалася, што ён ужо мёртвы, але ледзь адчувальнае перарывістае дыханне ўсяліла надзею, і мы працягнулі штучную вентыляцыю лёгкіх. Паралельна расцерлі ў парашок антыгістамінныя таблеткі і ўсыпалі іх у ротавую паражніну пацярпелага, каб аслабіць алергію ад укусаў.

Чалавек апрытомнеў, нават паспрабаваў размаўляць. Прыбыла хуткая медыцынская дапамога, мы перадалі мужчыну медработнікам, яго шпіталізавалі».

Другі пацярпелы, які атрымаў нашмат менш укусаў і меў не такую выяўленую алергічную рэакцыю, здолеў яшчэ да прыбыцця ратавальнікаў і «хуткай» самастойна адбегчы на бяспечную адлегласць, дапамогу яму аказалі іншыя людзі, што тут адпачывалі.

Пасля атакі на людзей шэршні абляпілі старую бярозу непадалёк — на ёй размяшчалася іх гняздо — і больш не праяўлялі цікавасці да навакольных людзей.

Чаму шэршні паводзілі сябе так агрэсіўна? Начальнік гарадской і раённай інспекцыі прыродных рэсурсаў і аховы навакольнага асяроддзя Сяргей Лазука выказаў здагадку, што людзі, хутчэй за ўсё, нечым напалохалі сямейства шэршняў:

«У адрозненне ад вос, шэршні, як правіла, не нападаюць на людзей, калі тыя іх не турбуюць. Дзейнічае прынцып: чалавек не кранае насякомае, і яно яго не заўважае.

Укус шэршняў балючы і можа быць смяротна небяспечным для алергікаў. Калі вы раптам убачылі гняздо шэршняў, лепш спакойна адыдзіце — рэзкія руху могуць быць расцэненыя як пагроза і паслужаць сігналам да атакі.

Тым больш не варта самастойна збіваць вуллі шэршняў — яны гэтага не даруюць і атакуюць усёй шматлікай сям'ёй. Пры гэтым шэршань можа ўкусіць чалавека некалькі разоў без шкоды для сябе ў адрозненне ад пчол, якія звычайна гінуць пасля разавага кантакту».

Каментары1

  • Freddy
    22.08.2023
    не любят шершни руских.

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць