Грамадства

Вынеслі прысуд Ларысе Шчыраковай

Вядомай журналістцы і культурніцкай дзяячцы Ларысе Шчыраковай далі тры з паловай гады калоніі. Таксама ёй прысудзілі штраф 3500 рублёў. Суд праходзіў у закрытым рэжыме. 

Ларыса Шчыракова. Фота: «Радыё Свабода»

Ларысу Шчыракову вінавацілі паводле двух артыкулаў Крымінальнага кодэкса — «Садзейнічанне экстрэмісцкай дзейнасці» і «Дыскрэдытацыя Рэспублікі Беларусь». 

Справу разглядаў суддзя Мікалай Доля, вядомы тым, што адправіў за краты на пяць гадоў журналістку Ірыну Слаўнікаву.

Ларысу Шчыракову затрымалі ўвечары 6 снежня 2022 года пасля ператрусу ў яе доме. Яе непаўналетняга сына змясцілі ў прытулак. Былы муж палітзняволенай, які апошнія гады жыў у Расіі, сабраў неабходныя дакументы і 23 снежня забраў Святаслава. Іншым сваякам хлопчыка не аддавалі. 

Напачатку на Ларысу завялі крымінальную справу паводле арт. 369-1 КК (дыскрэдытацыя Рэспублікі Беларусь) і змясцілі ў гомельскі СІЗА №3. Больш як месяц таму памерла маці жанчыны. Журналістку нават не адпусцілі з СІЗА на пахаванне.

Паводле матэрыялаў следства, Ларыса Шчыракова «са жніўня 2020 года па снежань 2022 года, выкарыстоўваючы напружаную грамадскую сітуацыю і імкнучыся дэстабілізаваць абстаноўку ў краіне, праз розныя месенджары і ўліковыя запісы ў сацсетках перадала для размяшчэння і размясціла ў інтэрнэце, у тым ліку на дэструктыўных рэсурсах, інфармацыйныя матэрыялы з загадзя лжывымі звесткамі, якія дыскрэдытавалі Рэспубліку Беларусь».

Яна ж, па меркаванні пракуратуры, «ажыццяўляла збор, стварэнне, апрацоўку, захоўванне і перадачу аўдыя-, відэа-, фота— і тэкставай інфармацыі для далейшага выкарыстання ў мэтах забеспячэння экстрэмісцкай дзейнасці інфармацыйнага рэсурсу «Вясна» і экстрэмісцкага фармавання «Белсат»».

За сваю журналісцкую дзейнасць Ларысу Шчыракову болей за 40 разоў прыцягвалі да адміністрацыйнай адказнасці ў выглядзе штрафаў і арыштаў.

Урэшце яна вымушаная была заявіць аб тым, што адыходзіць ад журналісцкай дзейнасці і будзе займацца этнафотасесіямі і псіхалогіяй. 

Падтрымаць журналістку: СІЗА-3, 246003, Гомель, Кніжная, 1А, Ларыса Фёдараўна Шчыракова.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць