Нерухомасць44

Змены ў Жыллёвы кодэкс могуць знішчыць інстытут таварыства ўласнікаў

Прапанаваныя змены ў Жыллёвы кодэкс выклікалі гарачае абмеркаванне на інфармацыйным рэсурсе «Прававы форум Беларусі». Удзельнікаў абурыла прапанова забараніць аднаму грамадзяніну займаць пасаду старшыні праўлення таварыства ўласнікаў у некалькіх арганізацыях, заўважыў Reform.by.

 Ілюстрацыйны здымак. Фота: «Наша Ніва»

Праект закона «Аб змене законаў па пытаннях кіравання жыллёвым фондам і яго эксплуатацыі» быў вынесены на грамадскае абмеркаванне 22 верасня. Узяць удзел можа кожны ахвотны.

Адміністратары форуму адзначылі, што законапраект, у прыватнасці, прадугледжвае:

  • узмацненне адказнасці старшынь праўленняў арганізацый уласнікаў за невыкананне заканадаўства па кіраванні агульнай маёмасцю сумеснага домаўладання, у тым ліку па якасным і своечасовым забеспячэнні аказання жыллёва-камунальных паслуг, утрымання агульнай маёмасці сумеснага домаўладання і тэрыторыі ля дома, а таксама за невыкананне законных патрабаванняў мясцовых выканаўчых і распарадчых органаў;

  • змяненне падыходаў да акумулявання грашовых сродкаў плацельшчыкаў на капітальны рамонт;

  • актуалізацыю функцый упаўнаважанай асобы па кіраванні агульнай маёмасцю сумеснага домаўладання і ўдасканаленне механізмаў яе прызначэння.

Грамадзян абурыў пункт змен, які забараняе аднаму чалавеку займаць пасаду старшыні праўлення арганізацыі ўласнікаў у некалькіх арганізацыях уласнікаў.

«Лічу, што прымаць гэта можна толькі тады, калі грамадзянін мае асноўную працу. Старшыня праўлення, які прафесійна займаецца толькі кіраваннем нерухомай маёмасцю, і гэта яго асноўная праца, можа працаваць у некалькіх АУ», — напісала Елана.

«Гэты пункт цалкам перакрэсліць магчымасць існавання кіравання агульнай маёмасцю непасрэдна таварыствам уласнікаў. Большая частка арганізацый уласнікаў не зможа забяспечваць узровень зарплаты старшыні праўлення», — дадаў Krolik2.

«Катэгарычна супраць 1 дом = 1 старшыня. Калі нешта добра і наладжана працуе, навошта гэта псаваць?» — напісаў іншы карыстальнік.

«Выглядае дзіўным змяненне ў закон, якое дазваляе старшыні кіраваць толькі адным ТУ / ЖБВК. Калі б жыхарам не падабалася, як старшыня выконвае свае абавязкі, — на сходзе быў бы абраны іншы…» — здзіўляецца ahsirg19.

«Пераканаўча просім выключыць норму аб абавязковай ліквідацыі / рэарганізацыі таварыстваў, якія складаюцца з некалькіх шматкватэрных дамоў з праекта закона», — рэзюмуе карыстальнік Маяк.

Абмеркаванне паправак у кодэкс працягнецца да 2 кастрычніка 2023 года.

Каментары4

  • Гром
    24.09.2023
    Нейкія экстрэмісты варожасць распаўсюджваюць. Банда гюбазіка, азаронак што з тварамі?
  • Прадстаўнік ТУ
    24.09.2023
    Калі забраць усе грошы ў ТУ, ЖКГ стане найбагацейшай арганізацыяй. Наша таварыства невялікае, але за 5 гадоў існаваньня сабрала 62тыс. А паглядзіце на буйныя таварыствы, якія існуюць шмат гадоў. Капітальны рамонт усе павінны рабіць праз 25 гадоў, за свае грошы яны трымаюць справаздачу з адміністрацыямі раёнаў. Дык палічыце, якія грошы атрымае лукашэнка, калі скасуе таварыствы.
  • Пан Сапега
    24.09.2023
    Якія ж яны ўласнікі? Не смяшыце людзей

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць