Свет77

Прэзідэнт Нагорнага Карабаха падпісаў указ аб спыненні існавання рэспублікі

Згодна з указам прэзідэнта Самвела Шахраманяна, Нагорна-Карабахская Рэспубліка спыніць сваё існаванне 1 студзеня 2024 года. Усе дзяржустановы НКР будуць распушчаныя.

Сцягі Нагорнага Карабаха і Арменіі ў горадзе Сцепанакерт. Фота: Aldo Pavan / Getty Images

Ва ўказе таксама гаворыцца, што насельніцтву Нагорнага Карабаха трэба «азнаёміцца з умовамі рэінтэграцыі, прадстаўленымі Азербайджанскай Рэспублікай, з мэтай прыняцця ў далейшым самастойнага і індывідуальнага рашэння аб магчымасці знаходжання (вяртання) у Нагорным Карабаху».

Былы міністр замежных спраў Нагорнага Карабаха Давід Бабаян прыняў рашэнне здацца ўладам Азербайджана.

«Вы ўсё ведаеце, што я ўключаны ў чорны спіс Азербайджана, і азербайджанскі бок запатрабаваў майго прыбыцця ў Баку для адпаведнага расследавання. Я прыняў рашэнне накіравацца сёння са Сцепанакерта ў [горад] Шуша», — паведаміў Бабаян. Паводле яго слоў, гэтае рашэнне «прычыніць моцны боль, хваляванне і стрэс, у першую чаргу, маім блізкім, але яны, упэўнены, зразумеюць».

Учора азербайджанскія вайскоўцы ў Лачынскім калідоры затрымалі экс-кіраўніка Нагорнага Карабаха Рубена Варданяна, калі ён збіраўся выехаць у Арменію.

***

Рэспубліка Нагорны Карабах (Рэспубліка Арцах) была абвешчаная ў верасні 1991 года на тэрыторыі Нагорна-Карабахскай аўтаномнай вобласці і Шаўмянскага раёна Азербайджана, яна так і не была нікім прызнаная. У час першай карабахскай вайны ў пачатку 1990-х Арменія захапіла некалькі азербайджанскіх раёнаў паміж Нагорным Карабахам і ўласна Арменіяй.

У час 44-дзённай вайны ўвосень 2020 года Азербайджан адваяваў частку тэрыторыі Нагорнага Карабаха і вярнуў некалькі раёнаў.

На мінулым тыдні ў выніку маланкавай вайны з Азербайджанам Нагорны Карабах капітуляваў. З рэгіёна пачаўся сыход армянаў у Арменію. Станам на раніцу чацвярга Нагорны Карабах пакінулі ўжо 65 000 чалавек. Усяго ў рэгіёне, які армяне называюць Арцах, на пачатак 2023 года жыло 120 тысяч чалавек.

Каментары7

  • Доктар Хаус
    28.09.2023
    Чакаем на ДНР, ЛНР, ПМР і іншыя рашысцкія метастазы!
  • Армяне не падтрымалі нас у 2020
    28.09.2023
    Фініта ля камедыя
  • mikola
    28.09.2023
    Dobra zrabiu....Kanec Vaine !

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць