Грамадства2222

Хлопец расчараваўся ў працы ў Польшчы, вярнуўся ў Беларусь, але і на радзіме доўга не вытрымаў

Летась у верасні Мікіта адкрыў працоўную візу і з'ехаў працаваць у Польшчу. Аднак з-за невялікага заробку праз паўгода вярнуўся на радзіму. За два месяцы ў Беларусі ён не змог знайсці адэкватную працу і зноў адправіўся ў Польшчу. Цяпер у яго ўсё атрымалася, хоць новую працу ён таксама лічыць не моцна прывабнай. Гісторыю хлопца апісвае Ex-press.by.

Ілюстрацыйны здымак. Фота: «Наша Ніва»

26-гадовы Мікіта ў свой час скончыў БНТУ па спецыяльнасці «інжынер-будаўнік». Адпрацаваўшы некалькі гадоў па размеркаванні, ён зразумеў, што дамагчыся рэальнага поспеху ў гэтай сферы неверагодна цяжка, а калі і можна, то праз доўгія-доўгія гады.

— Нейкі час я самастойна вывучаў праграмаванне, каб паспрабаваць зачапіцца ў ІТ, але ўсе сумоўі, на жаль, я праваліў, — кажа ён.

Ішоў і час, і, па словах Мікіты, ён разумеў, што пара пачынаць зарабляць грошы. Знайсці высокааплатную працу ў Беларусі было практычна нерэальна, таму ён вырашыў адкрыць для сябе Польшчу.

— Мінулай восенню я зрабіў працоўную візу праз турагенцтва ў сваім горадзе. Звяртаўся туды, таму што займацца зборам усіх дакументаў — той яшчэ гемарой. А ў агенцтве ўсё ж такі людзі прафесійныя. Так, хутчэй за ўсё, я пераплаціў, але затое захаваў свае нервы, — распавядае Мікіта.

Хлопец атрымаў працоўную візу на год і праз пару тыдняў сабраў рэчы, зберажэнні ў памеры 500 еўра і адправіўся ў Польшчу.

— Я выбраў тую працу, якую мне і прапанавалі ў агенцтве. Вядома, я разумеў, на што іду. Гэта быў прыгарад Варшавы, склад аўтазапчастак. Па апісанні ўсё было проста супер: васьмігадзінны працоўны дзень, зарплата каля тысячы даляраў, бясплатнае пражыванне ў хостэле і мноства іншых «плюшак». Трэба сказаць, што яны мяне і праўда вельмі здзівілі, калі сустрэлі проста з аўтобуса па прыездзе ў Варшаву, — кажа хлопец.

Першыя некалькі дзён Мікіта знаходзіўся ў стане некаторага шоку, бо такога індывідуальнага падыходу ён не чакаў. Спачатку яго засялілі ў хостэл, а потым ён падпісаў дамову. Працу малады чалавек пачаў на наступны дзень.

— Хостэл быў цалкам сабе адэкватны: усяго толькі тры чалавекі ў адным пакоі. Пры гэтым там быў даволі сучасны рамонт і кухонная тэхніка. Што датычыць першых працоўных дзён, то яны прайшлі выдатна: гэта было нешта накшталт азнаямлення, мне паказвалі, чым менавіта я буду займацца і што ад мяне патрабуецца, — кажа хлопец.

Паводле яго слоў, усё, што ён рабіў — гэта складваў і пакаваў пэўны від і пэўную колькасць аўтазапчастак у скрынку:

— Я заўсёды выбіраў начныя змены, таму што пагадзінная стаўка ноччу больш высокая, чым днём. Таму ноччу я працаваў, а днём адпачываў. Так прайшоў першы месяц, а затым і наступныя пяць, пакуль я адтуль не наважыўся звольніцца. Асноўная прычына звальнення — гэта зусім не тая зарплата, якую абяцалі мне ў агенцтве, замест 1000 я атрымліваў толькі каля 700 еўра плюс да ўсяго мяне дзіка задзяўбала сама праца.

Паводле яго слоў, яна ніяк не змянілася, колькі б ён ні прасіў перавесці ў іншы аддзел, — заўсёды атрымліваў адмовы.

— Я проста стаміўся вечна пералічваць гэтыя аўтазапчасткі і цягаць іх туды-сюды. Таму была прынята рашэнне з'ехаць назад у Беларусь, — распавядае Мікіта.

За паўгода хлопец вельмі засумаваў па роднай краіне. Ён думаў, што больш дакладна нікуды не з'едзе з Беларусі. Аднак праседзеўшы дома месяц, а потым і яшчэ два, ён зрабіў выснову, што шукаць працу па спецыяльнасці проста няма сэнсу. Праца за 600 рублёў на будоўлі яго не вельмі і прываблівала.

— Калі шчыра, я быў у роспачы. Гэта быў той самы момант, калі наогул не разумееш, што рабіць далей. Я не разумеў, куды мне ісці, куды падацца, дзе зарабіць на жыццё. Мяне вельмі моцна расчароўваў той факт, што мне ўжо цэлых 26 гадоў, а я як быццам згубіўся ў гэтым віры, — адзначае Мікіта.

Але ўсё ж такі хлопец узяў сябе ў рукі і ўладкаваўся працаваць кіроўцам таксі ў сваім горадзе. Прапрацаваўшы тыдзень і зарабіўшы даволі нядрэнныя грошы, ён успомніў, што ў яго ўсё яшчэ дзейнічае віза і працаваць таксістам цалкам можна і ў Польшчы. У выніку, нядоўга думаючы, хлопец сеў у машыну і зноў з'ехаў пакараць Польшчу.

— Таксістам я працую ўжо тры месяцы. Пакуль што мне рэальна ўсё падабаецца: я магу працаваць калі захачу, колькі захачу і дзе захачу — проста кайф. Каб мець «чыстымі» парадку 1000, трэба стабільна працаваць гадзін па 8-10 і мець па 30-40 кліентаў у дзень, — тлумачыць хлопец.

Паводле яго слоў, аб вяртанні ў Беларусь пакуль што гаворкі не ідзе, бо ён падаўся на «карту пабыту» (польскі дазвол на жыхарства) і пакідаць Польшчу цяпер яму нельга.

— Пакуль што буду чакаць ДНЖ і працаваць. Зразумела, што праца не самая прывабная, але мне нармальна, я ўжо прывык. У любым выпадку — гэта значна лепш, чым пералічваць і цягаць аўтазапчасткі, — прызнаецца Мікіта.

Каментары22

  • Лёлік з-пад Лімасола
    12.10.2023
    Заўжды кідаю таксістам +-10 злотых напівэк, калі прыязджаю ў Польшчу, бо тыя кошты на таксі пасля кіпрскіх здаюцца зусім малымі)
  • ром
    12.10.2023
    Реальная история, реального человека! Коих сотни тысяч!
    А не сказки святых бчб фантазерау.. задротау або айтишникау с зп 10000 баксау
  • Сматрашчы
    12.10.2023
    Экзистэнцыальная исторыя, я аж усплакнуу.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць