Свет11

Падчас атакі ХАМАС загінула 12-гадовая дзяўчынка, пра якую расказала Джаан Роўлінг

Сям'я спадзявалася знайсці дзяўчынку-аўтыстку і яе 80-гадовую бабулю жывымі, але здарылася найгоршае.

Ноя Дан і яе бабуля Кармела Noah Dunn and her grandmother Carmela Ноя Дан і яе бабуля Кармела
Ноя Дан і яе бабуля Кармела. Фота: сацыяльныя сеткі

Дзяўчынка атрымала сусветную вядомасць пасля таго, як пісьменніца Джаан Роўлінг, аўтар кніг пра Гары Потэра, апублікавала фатаграфію Ноі і напісала:

«Выкраданне дзяцей — гэта агідна і не можа мець ніякага апраўдання. Па зразумелых прычынах гэтая фатаграфія мяне ўразіла. Хай Ноя і ўсе закладнікі, захопленыя ХАМАС, хутчэй вернуцца ў свае сем'і».

Дзяўчынка паходзіць з кібуца Нахаль-Оз. Да вайны ў ім жыло 400 чалавек. Кібуц знаходзіцца так блізка да сектара Газа, што жыхары паселішча бачылі, як іх палесцінскія суседзі развешваюць бялізну ў двары свайго дома — усяго за 600 метраў. Паміж імі — плот і буферная зона.

Складана паверыць, але яшчэ ў 1980-я жыхары кібуца Нахаль-Оз хадзілі ў сектар Газа на базар і сябравалі сем'ямі. Некаторыя падтрымлівалі кантакты і ў нашы дні, але ўжо толькі праз месенджары.

Жыхары Нахаль-Оз прывыклі жыць побач з тэрыторыяй, якая кантралюецца баевікамі. Але падзеі 7 кастрычніка ўсё змянілі.

кібуц Нахаль Оз Kibbutz Nahal Oz Кибуц Нахаль Оз
Кібуц Нахаль-Оз пасля нападу тэрарыстаў. Скрыншот відэа Bild

Як паведамляе Bild, у той дзень 20 чалавек з кібуца загінулі, а яшчэ 80 узялі ў закладнікі.

Сярод выкрадзеных былі і 12-гадовая дзяўчынка Ноя Дан і яе 80-гадовая бабуля Кармела. У Ноі было захворванне аўтычнага спектра, што не перашкаджала ёй быць добрай, спакойнай дзяўчынкай, якая любіла чытаць.

Як распавядала маці дзяўчынкі Галіт Дан, напярэдадні трагічных падзей яна адпусціла дачку з кібуца Кісуфім, дзе жыла сям'я, пераначаваць да бабулі.

Калі ў суботу раніцай яны пачулі страляніну і выбухі, Галіт разам з мужам і 9-гадовай дачкой Томаль схаваліся ва ўмацаваным пакоі. У іншым кібуцы, дзе знаходзіліся ў той момант дачка Галіт Ноя і маці жанчыны Кармела, адбывалася тое самае.

Увесь гэты час яны пісалі адно аднаму паведамленні. У адным з галасавых Галіт пачула, як Ноя ўсхліпнула і толькі вымавіла: «Мама, мне страшна. У доме ёсць людзі — ратуйце мяне».

На жаль, уратаваць яе было немагчыма. З моманту апошняга галасавога паведамлення пра Ною і яе бабулю доўгі час нічога не было вядома. Сярод ідэнтыфікаваных целаў у кібуцы іх не аказалася. 

Сям'я спадзявалася знайсці яе і бабулю жывымі, падзялілася паведамленнем аб здарэнні ў сацыяльных сетках.

19 кастрычніка 12-гадовая Ноя Дан і яе 80-гадовая бабуля Кармела былі знойдзеныя мёртвымі са слядамі здзекаў супрацоўнікамі пошукава-выратавальнай арганізацыі ZAKA. Дзяўчынку і бабулю знайшлі ля агароджы на мяжы з Газай.

Мяркуецца, што тэрарысты ХАМАС захапілі дзяўчынку з бабуляй разам з іншымі жыхарамі кібуца ў якасці закладнікаў, але потым зразумелі, што з бабуляй, у якой нядобра з памяццю, і дзяўчынкай-аўтысткай ім будзе складана. Таму яны забілі іх. 

Чытайце яшчэ:

Ізраіль публікуе гутарку, як сцвярджаецца, паміж баевікамі ХАМАС. Тыя абмяркоўваюць запуск ракеты па бальніцы ў сектары Газа

Байдэн паабяцаў Ізраілю падтрымку «сёння, заўтра і заўсёды»

«Нават падчас вайны адчуваю сябе больш абароненай, чым у Беларусі». Беларуска расказала, як цяпер жывецца ў Ізраілі

Каментары1

  • Axel Justas
    19.10.2023
    Паскуды...

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць