Ежа3838

Ірландзец тэсціруе беларускія сталоўкі. Вось якой з іх прапаноўвае даць мішленаўскую зорку 

Блогер з Ірландыі Найл Доэрці (пад нікам Irish Partizan), які жыве ў Мінску, публікуе ў сваім тыктоку фуд-агляды на розныя беларускія сталовыя.

Ірландскі блогер. Фота: яго сацсеткі

Напрыклад, відэа са сталовай БНТУ (якую, дарэчы, іншаземец называе сваім любімым месцам грамадскага харчавання) набрала амаль 240 тысяч праглядаў і 10 тысяч лайкаў.

Абед каштаваў блогеру 9 рублёў 49 капеек.

— Big dinner! — не без гонару сказаў ірландзец і прадэманстраваў, якія стравы атрымалася набыць за гэтыя невялікія грошы.

Ён пакаштаваў боршч, салату з гародніны, пюрэ з мясам, некалькі коржыкаў (іх блогер называў sweet bread — салодкі хлеб) і кампот. Здаецца, студэнцкая ежа яму вельмі спадабалася, бо вердыкт быў «Неймаверна!». А пасля баршчу Найл увогуле вырашыў, што сталовая БНТУ заслугоўвае зоркі Мішлена: «Вы плаціце вялікія грошы за ежу ў прыстойным рэстаране. Але вось неймаверная ежа за 9 рублёў 49 капеек».

@irishpartizan #food #belarus ♬ original sound - Irish Partizan

Не ўсе каментатары падзяляюць яго аптымізм: «Памятаю, як мне там мянялі суп з прусаком на суп без прусака — але ўсё роўна той, дзе гэты прусак варыўся», «Калі я там вучыўся, то называў гэтую сталовую Бухенвальд. Там я ўпершыню знайшоў прусака ў кашы», «О, Бухенвальд. Памятаю сябар узяў боршч, а там галава шпроты плавала».

А гэта порцыя ў іншай сталоўцы — пры Беларускім дзяржаўным эканамічным універсітэце. Скрыншот відэа ў тыктоку Irish Partizan

У сталовай «Налібакі» блогер узяў суп-пюрэ, бульбу са свінінай грыль, салату і кампот. А заплаціў 10 рублёў 68 капеек. Тут ён быў больш стрыманы ў адзнаках, але адзначыў: «Very nice» («Вельмі міла»).

@irishpartizan #Belarus #food #cuisine ♬ original sound - Irish Partizan

Пабываў іншаземец і ў сталовай Беларускага дзяржаўнага ўніверсітэта інфарматыкі і радыёэлектронікі № 1. Тут ён вырашыў пакаштаваць курыную катлету з бульбай фры, салату з бурака і вішнёвы кампот. Трэба адзначыць узровень абслугоўвання: жанчына не вельмі ветліва адрэагавала на просьбу падагрэць ежу. Ірландзец аддаў за абед 5 рублёў 27 капеек. Адна з каментатарак параіла блогеру з’ездзіць у Гродна ў Гродзенскі дзяржаўны медыцынскі ўніверсітэт і пакаштаваць рыбныя тэфтэлі — кажа, што гэта сапраўдны шэдэўр.

@irishpartizan #Belarus #food ♬ original sound - Irish Partizan

Яшчэ адным месцам, якое затэсціў Найл, стала сталовая ў Мінску на вуліцы Краснай. Ён пачаставаўся фасолевым супам, макаронай з рыбнымі тэфтэлямі і дзвюма шклянкамі кампоту. На касе заплаціў 7 рублёў 78 капеек. Але каментаваць ежы не стаў.

@irishpartizan Food O'Clock. #belarus #minsk #food ♬ original sound - Irish Partizan

У сталовай на вуліцы Купрэвіча іншаземец набыў салянку, пюрэ з катлетай са свініны, сок. Тут рахунак аказаўся самым вялікім — 14 рублёў 50 капеек. Мяркуючы з каментароў блогера, ежа яму прыйшлася даспадобы.

@irishpartizan Belarusian cuisine #столовая #food #belarus ♬ original sound - Irish Partizan

Аднойчы Irish Partizan разам з сябрам адправіўся на Гомельшчыну і там зазірнуў у сталовую ў аграгарадку Урыцкае. На 8 рублёў ён узяў чатыры галубцы, салату з бурака, гарбату.

@irishpartizan Belarusian cuisine in Uritskoye, #Gomel #Belarus ♬ original sound - Irish Partizan

— Калі вы хочаце паесці сапраўды смачную, хатнюю ежу, прыходзьце ў такія месцы, як гэта, «калгас», — раіць мужчына на англійскай мове. Дарэчы, інтэр’ер сталовай (якая выглядае даволі тыпова для беларускага аб’екта грамадскага харчавання) яму таксама падабаецца.

Каментары38

  • гердзень
    21.10.2023
    я сумую за мяжою па нашых сталоўках
  • ІМЯ
    21.10.2023
    гердзень , ідзі працаваць на нармальнае прадпрыемства, і будуць табе сталоўкі. І не нашмат даражэй за БНТУ. Толькі зарабляць будзеш разоў у 5-10 больш.
    Шчыра кажучы, гэты набор па беларускіх мерках мусіў бы каштаваць не болей за 2 еўра.
  • Багдан
    21.10.2023
    Вы не далі кантэкст, а дарма. Гэты “блогер” з Ірландыі пепакананы ідэалагічны ватнік, менавіта таму прыехаў жыць у Беларусь падчас ковід.

    Вы б яшчэ падборку допісаў Бондаравай зрабілі.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць