Грамадства3232

Дзяржаўныя медыя пачалі разганяць фэйк пра Ціханоўскую, «якая заклікае забіваць палесцінскіх дзяцей»

У каментах пад допісамі пасецца эліта БРСМ і раённых ідэолагаў.

Скрыншот з аднаго з праўладных акаўнтаў у твітары, «Навіны Касцюковічы»

«Святлана Ціханоўская прапанавала забіваць палесцінскіх дзяцей вуснамі «чалавека з яе каманды» — такое пасланне праводзяць у Х (былым твітары) акаўнты, звязаныя з лукашэнкаўцамі.

Разлічаны гэты пост на чытача, які не ведае расейскай мовы і не ведае, хто такая Таццяна Мартынава. Эфект невялікі — у пастоў да пары соцень праглядаў і зусім няма рэакцый. А на саміх акаўнтах дзяржаўных прапагандыстаў — вобмаль падпісантаў.

Прыклады публікацый у твітары ад беларускіх праўладных рэсурсаў

Агулам такіх публікацый каля пары дзясяткаў, усе яны цалкам капіруюць першапачатковы тэкст «Жоўтых зліваў» — смеццевага канала, створанага для дыскрэдытацыі апанентаў Аляксандра Лукашэнкі. Асобна мы звярнулі ўвагу на каментары — амаль усе яны аднолькавыя і ад праўладных актывістаў.

Каментары пад публікацыяй «Жоўтых зліваў»

Сярод каментатараў — кіраўніца барысаўскага БРСМ Уладзіслава Крагілева (яна запосціла тое самае і Укантакце), кіраўніца бярэзінскага БРСМ Кацярына Аўрамчык, галоўны рэдактар праўладнай газеты «Слонімскі веснік» Кірыл Ляшчэнка і кіраўнік аддзела ідэалогіі Гродзенскага гарвыканкама Уладзімір Сацюк, які да 2019-га быў намеснікам начальніка гродзенскай міліцыі.

Хто такая Таццяна Мартынава і што яна сказала?

Адзначым, што Таццяна Мартынава, якая з вясны 2020-га вядзе блог «Хопіць баяцца», аніякім чынам са штабам Святланы Ціханоўскай не звязаная. Ціханоўскага яна называла гопнікам, а Ціханоўскую — «п*****ц».

Таццяна Мартынава ў Беларусі была радыёвядоўцай і суўладальніцай бара «Пятніца». Увесну 2020-га яна стварыла палітычны блог «Хопіць баяцца» і праз пагрозу пераследу ў ліпені 2020-га адной з першых выехала з Беларусі.

Яна часта выказвае маргінальныя ідэі, якія цытуюць дзяржаўныя медыя. Асабліва часта — «Жоўтыя слівы».

Гэтым разам яна выказалася пра палесцінскіх дзяцей. Маўляў, яны адрозніваюцца ад ізраільскіх тым, што іх з дзяцінства вучаць ненавідзець габрэяў. «А ў 16 гадоў маці дае дзіцяці аўтамат і кажа: забі габрэя», падсумавала яна.

Пасля гэтага на Мартынаву звярнулі ўвагу турэцкія СМІ. Блізкае да Эрдагана медыя Ahaber апублікавала яе з загалоўкам «Гнюснае выказванне беларускай журналісткі пра палесцінскіх дзяцей». Падхапілі яго і іншыя медыя ў мусульманскіх краінах, яе выказванні цытуюцца ў сотнях публікацый.

Гэтая заява адлюстроўвае перакананні самой Мартынавай. Але аніводная беларуская структура яе не падтрымала.

«Наша Нiва» — бастыён беларушчыны

ПАДТРЫМАЦЬ

Каментары32

  • Ололо
    21.10.2023
    "Нiва", зря вы так. Стримы Мартыновой смотрю с 2020 года, она с большим пиететом относится к Тихоновской. В Вашем материале информация о Татьяне и ее отношении к Светлане подается крайне некорректно.
  • Бобр
    21.10.2023
    Потешные истории. Не пойму зачем им вообще освещать деятельность Светланы. На 2023 вы побеждаете. Пишите про Дожинки, про умолот, про правительство у которого не получается. Народ в большинстве ждёт от Светланы решения житейских проблем в Европе, только особо верующих в лице Радиной, Халип и Бондаренко ждут смены власти через месяц.
  • mikola
    21.10.2023
    idyioty.....

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць