Эканоміка11

Чалы пра нюансы супрацы Беларусі з Кітаем

Эканаміст Сяргей Чалы звяртае ўвагу на тое, як змяніўся падыход беларускага ўраду ў супрацоўніцтве з Кітаем. І што на гэта паўплывала.

Аляксандр Лукашэнка і Сі Цзіньпін Александр Лукашенко и Си Цзиньпин Alexander Lukashenko and Xi Jinping
Аляксандр Лукашэнка і Сі Цзіньпін. Фота: Andrei Stasevich/BelTA Pool Photo via AP

У выпуску праграмы «Чалы: Эканоміка» эканаміст адзначыў, што галоўная прэтэнзія да ўладаў заключаецца ў тым, што ў Беларусі няма нармальным чынам капіталізаваных кампаній. Нават праўладныя эканамісты пачынаюць гаварыць пра важнасць эканамічнай дададзенай вартасці. Прадпрыемствы маюць арыентавацца на вытворчасць прадукцыі з высокай дададзенай вартасцю, што павялічыць іх капіталізацыю.

У гэтым кантэксце ён прапануе паглядзець на беларуска-кітайскае эканамічнае супрацоўніцтва. На кітайскай міжнароднай выставе імпарту ў Шанхаі, якая адбылася на пачатку лістапада, прысутнічаў міністр эканомікі Аляксандр Чарвякоў.

У беларускага ўраду вялікія спадзяванні на Кітай. Міністр эканомікі лічыць, што ў Кітаі трэба ствараць сумесныя з Беларуссю прадпрыемствы, сыравіну на якія будзе пастаўляць Беларусь.

«Нам важна актыўней і бліжэй рухацца да беспасярэдняга спажыўца прадукту. А для гэтага неабходна кааперацыя, трэба ствараць у Кітаі вытворчасць па перапрацоўцы беларускай сыравіны: цэлюлозы, угнаенняў, сухога малака, мясной прадукцыі, прадукцыі дрэваапрацоўкі і гэтак далей».

Па словах Чарвякова, менавіта ў Кітаі неабходна з беларускай сыравіны вырабляць тавары з высокай дадатковай вартасцю і даваць спажыўцу якасны тавар.

Сяргей Чалы Сергей Чалый Siarhei Chaly
Сяргей Чалы тлумачыць змены ў беларуска-кітайскіх эканамічных адносінах. Скрын відэа Belarus_Files / YouTube

На погляд Чалага, гэтыя словы міністра эканомікі — «шчырае прызнанне ў тым, што для таго, каб выніковы прадукт атрымаўся і быў дастаўлены да таго, хто амаль што адзіны ў нас яго набывае, неабходна яго там і вырабляць» з пастаўленай беларускай сыравіны.

Такія планы вельмі адрозніваюцца ад тых, што існавалі яшчэ некалькі гадоў таму.

У 2017 годзе тагачасны міністр сельскай гаспадаркі і харчавання Леанід Заяц заяўляў пра тое, што міністэрства заключыла з адной з буйных кампаній Кітая намер аб укладанні амаль 1 млрд даляраў інвестыцый.

«Цікавіць кітайцаў менавіта прадукцыя, якая вырабляецца нашай дзяржавай. Яны хочуць у рамках імпартазамяшчэння атрымаць яе з той тэрыторыі, якой вераць», — заяўляў Заяц.

Яшчэ ў 2019-2020 гадах гаворка ішла пра тое, што Кітай інвестуе ў вытворчасць прадуктаў харчавання ў Беларусі больш за 1,2 млрд даляраў. «І дзе гэта ўсё? — задаецца пытаннем эканаміст і адказвае: —

Мы разумеем, што з улікам, як любіць гаварыць Лукашэнка, «геапалітычных пературбацыяў у рэгіёне» неяк нязручна ў Беларусь інвеставаць».

Адзіным выйсцем застаецца пастаўляць сыравіну для вытворчасці з яе прадукцыі на тэрыторыі Кітая.

Чытайце яшчэ:

Кітай дазволіў сваім грамадзянам ездзіць у Беларусь групамі

Чаму Кітай не запрасіў Лукашэнку на трэці форум «Пояс і шлях»

«Для Кітая карысць больш палітычная, чым тэхнічная». Беларусь дапаможа Кітаю пабудаваць базу на Месяцы

Каментары1

  • Петр
    18.11.2023
    Чалый совсем отстал от жизни. Сидит за бугром и несёт всякую околесицу.
    Ему пора сменить работу.  Пусть идёт на производство.
    Эх Серёга, Серёга, совсем ты зачах...

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць