Свет11

Лукашэнка сустрэўся з віцэ-прэзідэнтам Венесуэлы

«За мінулыя гады ў свеце адбыліся значныя змены. Адна з асноўных і яркіх падзей — вашы суверэнітэт і незалежнасць».

«За мінулыя гады ў свеце адбыліся значныя змены. Адна з асноўных і яркіх падзей — вашы суверэнітэт і незалежнасць. Вы малайцы, вы адстаялі краіну. Вы супрацьстаялі ўсім і выстаялі», — заявіў Аляксандр Лукашэнка на сустрэчы з віцэ-прэзідэнтам Венесуэлы ў пытаннях планавання, міністрам планавання Рыкарда Менендэсам, піша БелТА.

Ён падкрэсліў, што Венесуэла сёння мае найвялікшую павагу ва ўсім свеце за мужнасць і стойкасць у адстойванні суверэнітэту і незалежнасці.

Насамрэч Нікалас Мадура, які заступіў на пасаду прэзідэнта ў 2013 годзе пасля смерці Чавеса, нягледзячы на палітычны крызіс і эканамічныя праблемы, здолеў захаваць уладу. Лідар апазіцыі Хуан Гуайдо, якога прызналі прэзідэнтам ЗША і краіны Еўропы, застаўся фактычна ні з чым.

Марыя Карына Мачада са сваімі дзецьмі на цырымоніі праймерыз у Каракасе 26 кастрычніка 2023 года. Фота: Ariana Cubillos / AP

Але ў 2024-м у Венесуэле — новыя прэзідэнцкія выбары. 22 кастрычніка там прайшлі праймерыз. Першапачаткова планавалася, што ў іх будуць удзельнічаць 13 кандыдатаў. З вядомых імёнаў — Энрыке Капрылес, які на выбарах-2013 саступіў Мадуру 1,5%. Але ў выніку тры кандыдаты адзін за адным адмовіліся ад сваіх амбіцый на карысць аднаго чалавека — 55-гадовай Марыі Карыны Мачада, якая з самага пачатку лічылася фаварыткай. Яна ж і перамагла на праймерыз, піша «Медуза».

Паводле апытання кампаніі ORC, 41,2% венесуэльцаў лічаць яе лідаркай апазіцыі. А адразу 47,2% гатовыя падтрымаць Мачада на прэзідэнцкіх выбарах, а Мадура можа разлічваць толькі на 13,5%.

Марыя Карына ніколі не была на першых ролях у апазіцыі, але вядомая ў краіне даўно. Яшчэ ў 1992 годзе яна заснавала фонд «Афіна», які збірае ахвяраванні бедным венесуэльскім дзецям. У 2005 годзе прадстаўляла венесуэльскую грамадзянскую супольнасць на сустрэчы з прэзідэнтам ЗША Джорджам Бушам — малодшым, за што на радзіме яе адразу ж закляймілі «марыянеткай ЦРУ». А ў 2011-м яна стала дэпутаткай і пачала зарабляць рэпутацыю «жалезнай лэдзі венесуэльскай апазіцыі».

Мачада сапраўды прадстаўляе найбольш радыкальнае крыло праціўнікаў Мадуры. Яны лічаць: перамовы з рэжымам бессэнсоўныя, а адзіны спосаб разбурыць яго — гэта грамадзянскае непадпарадкаванне.

Каментары1

  • Язэп
    28.11.2023
    Ня гледзячы на электаральную перамогу Гуайдо ня здолеў атрымаць кантроль над краінай праз тое, што ў Мадура заставалася істотная падтрымка ў грамадстве (не нашмат менш за палову) + падтрымка сілавікоў. Але стан у краіне пад час незаконнага кіраўніцтва Мадуры няспынна пагаршаўся, таму і грамадская падтрымка чавістаў змяншалася. Таму застаюцца два варыянты:
    - Мачада перакульваючы перамагае і чавісты сыходзяць у апазіцыю
    - Мачада перакульваючы перамагае, але чавісты брутальна захапляюць ўладу і канчаткова ператвараюцца ў хунту, нават больш жорсткую чым у Беларусі, бо вонкавай падтрымцы ім чакаць няма адкуль.

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал9

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Мінск прыме расійска-грузінскія перамовы2

Рыжанкоў заявіў, што Беларусь дабіваецца ад ЗША зняцця санкцый у абмен на палітвязняў17

У Берліне распрацавалі план, як ЕС працягваць падтрымку Украіны нават пасля прыходу да ўлады Ле Пэн у Францыі3

Для каардынацыі ўдараў па Крымскім мосце ўкраінцы выкарыстоўвалі свае «лятучыя мадэмы»4

У Гродне анансавалі стварэнне новага жылога квартала

У пасажыра на станцыі метро знайшлі самаробны меч для гістарычных баёў. Цяпер яго будуць судзіць7

Z-блогер, які марыў забіць усіх украінцаў, загінуў сам12

Відэагульню, створаную беларусамі, намінавалі на прэмію The Game Awards

Алімпійскі чэмпіён Антон Кушнір стаў падзарабляць відэавіншаваннямі1

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал9

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць