Свет

Пашынян заявіў пра гатоўнасць пайсці ў адстаўку пасля падпісання і ратыфікацыі мірнага пагаднення з Азербайджанам

«Я буду лічыць сваю місію выкананай», — сказаў прэм'ер Арменіі.

Нікол Пашынян, фота Вячаслава Пракоф'ева, Sputnik, Kremlin Pool Photo via AP

Нікол Пашынян заявіў пра гатоўнасць пайсці ў адстаўку пасля падпісання і ратыфікацыі мірнага пагаднення з Азербайджанам. Пра гэта прэм'ер-міністр Арменіі паведаміў падчас урадавай гадзіны ў парламенце, перадае «Арменпрэс».

«Я буду лічыць сваю місію выкананай пасля падпісання і ратыфікацыі мірнага пагаднення, усталявання фундаментальнага інстытуцыйнага міру. І я сыду ў абодвух выпадках», — сказаў ён.

Прэм'ер патлумачыў, што гатовы пакінуць пасаду і ў тым выпадку, калі грамадзяне Арменіі на рэферэндуме прагаласуюць супраць прыняцця новай Канстытуцыі. Паводле яго слоў, рашэнне адносна далейшых палітычных працэсаў застанецца за грамадзянамі краіны.

«Ідзём на рэферэндум. Народ не галасуе — я сыходжу. Здаюся. Прапаную. Адмаўляецеся?»—звярнуўся ён да дэпутатаў Нацыянальнага сходу.

Пашынян падкрэсліў, што ў любым выпадку не мае намеру сыходзіць з пасады да падпісання мірнай дамовы з Азербайджанам. Паводле яго слоў, канчатковай перашкодай на шляху да міру з'яўляецца апазіцыя.

Пашынян таксама заявіў, што існуюць гарантыі падпісання і ратыфікацыі мірнага пагаднення з Азербайджанам пасля прыняцця новай Канстытуцыі.

Нікол Пашынян кіруе Арменіяй з 2018 года. Сёлета ён выйграў парламенцкія выбары.

У 2022 годзе Арменія атрымала паразу ў Другой Карабахскай вайне. У 2023 годзе Пашынян і прэзідэнт Азербайджана Ільхам Аліеў падпісалі мірную дэкларацыю, якая замацавала адмову ад тэрытарыяльных прэтэнзій, і ўсе армяне пакінулі Нагорны Карабах.

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў1

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

Пуцін, Трамп і Сі паціснулі адзін аднаму рукі і коратка пагутарылі 7

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць