Грамадства55

З Івацэвіцкай калоніі вызваліўся вядомы беларускі «злодзей у законе»

Пасля адбыцця пакарання за вымагальніцтва з Івацэвіцкай ПК-5 вызваліўся 49-гадовы Дзмітрый Галееў, які ў прафесійным крымінальным свеце больш вядомы як злодзей у законе па мянушцы Галей, паведамляе Magilev.online.

Як паведамляе расійскае інфармацыйнае агенцтва «Прайм Крайм», якое спецыялізуецца на крымінальнай тэматыцы, з калоніі Галееў з'ехаў у Магілёўскую вобласць да месца пражывання сваёй жонкі.

Раней пра яго сямейнае становішча нічога не было вядома, магчыма, шлюбам ён пабраўся ў месцах пазбаўлення волі.

Дзмітрый Галееў — ураджэнец вёскі Станькава Мінскай вобласці, раней неаднаразова судзімы.

Да нядаўняга часу Галеева называлі адзіным «законнікам»-доўгажыхаром беларускага паходжання: яго «каранавалі» ў 23 гады ў 1998 годзе.

Беларуская міліцыя збіралася арыштаваць Галеева з 2005 года, каб прыцягнуць яго да крымінальнай адказнасці за вымагальніцтва. Паводле звестак МУС, Галееў са змоўшчыкамі ў 2003 годзе вымагалі ў прадпрымальніка з Жодзіна 18 тысяч даляраў. Але доўгі час нічога з ім зрабіць не ўдавалася, бо ён знаходзіўся за межамі Беларусі — спачатку ў Расіі, а пасля ў Швецыі. 

У Швецыі Галееў цалкам паспяхова займаўся бізнэсам — быў бенефіцыярам сеткі рэстаранаў, але і з крымінальным жыццём не завязваў. Урэшце ў сакавіку 2013 года ён быў затрыманы паліцыяй і ў той жа дзень дэпартаваны са Швецыі за парушэнне міграцыйнага заканадаўства. Адразу каля трапа самалёта ў Мінскім аэрапорце яго і арыштавалі.

Працэс па справе Галеева праходзіў у судзе Заводскага раёна Мінска пад узмоцненай аховай і ў закрытым рэжыме. На ім Галееў адмаўляўся прызнаваць сябе грамадзянінам Беларусі і сцвярджаў, што мае будыйскае імя, якое даў яму ў 2010 годзе «прадстаўнік таварыства «Рух жывога Буды».

13 сакавіка 2014 года суд прызнаў Дзмітрыя Галеева вінаватым у вымагальніцтве па справе 10-гадовай даўніны і прысудзіў яго да пазбаўлення волі на 11 гадоў у калоніі строгага рэжыму з канфіскацыяй маёмасці. Пасля па амністыі тэрмін пакарання яму паменшылі на год.

Частку пакарання «злодзей у законе» адбываў у ПК-9 у Горках, пасля даседжваў у ПК-11 у Ваўкавыску і нарэшце ў Івацэвічах. У 2017 годзе яму дадалі 1 год і 11 месяцаў за злоснае непадпарадкаванне патрабаванням адміністрацыі папраўчай установы. Для Галеева гэта была ўжо пятая судзімасць.

Увесь прызначаны тэрмін «злодзей у законе» не дасядзеў, па звестках «Прайм Крайм», год яму «скасцілі» па чарговай амністыі.

Каментары5

  • Вася Бриллиант
    18.12.2023
    Ну что это за воры в законе пошли, жонка, бизнес, буддисты, блин...кем тока не становятся и не переодеваются
  • даведка
    18.12.2023
    Выпустили на единый день голосования и выборы во всебелорусское народное собрание воров в законе власти.
  • Лёва
    19.12.2023
    А разве вор в законе может быть женат?

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць