Грамадства6767

Імунітэт, ахова, заробак, вызваленне ад падаткаў. Апублікаваны пералік гарантый для экс-прэзідэнтаў Беларусі

Папраўкі ў закон «Аб Прэзідэнце Рэспублікі Беларусь» Палата прадстаўнікоў прыняла ў першым чытанні 7 снежня, а ў другім — 22 снежня. Ініцыятар законапраекта — Савет Рэспублікі. У закон дадалі цалкам новы раздзел аб гарантыях для экс-прэзідэнта і членаў яго сямʼі. Дакумент быў зроблены адмыслова пад Аляксандра Лукашэнку, хоць выбары ў 2020 годзе ён, паводле назіральнікаў, прайграў. 

Аляксандр Лукашэнка. Фота: president.gov.by

Паводле дакумента, экс-прэзідэнта нельга будзе прыцягнуць да адказнасці за дзеянні, «учыненыя ў сувязі з ажыццяўленнем ім прэзідэнцкіх паўнамоцтваў». Яго нельга затрымаць, неяк інакш пазбавіць асабістай свабоды, падвергнуць следчым і іншым працэсуальным дзеянням.

Такая ж недатыкальнасць распаўсюджваецца на членаў сямʼі былога прэзідэнта, на іх жылыя і службовыя памяшканні, транспартныя сродкі, сродкі сувязі, асабістыя архівы, перапіску і гэтак далей. 

Здароўе

Былога кіраўніка дзяржавы будуць ахоўваць «у поўным абʼёме мер, прадугледжаных заканадаўствам аб дзяржаўнай ахове». Члены сямʼі таксама атрымліваюць дзяржахову «ў адпаведнасці з заканадаўствам».

Жыццё і здароўе былога прэзідэнта падлягаюць абавязковаму дзяржаўнаму страхаванню за кошт сродкаў рэспубліканскага бюджэту. 

Медабслугоўванне, не толькі экс-прэзідэнта, але і яго сямʼі, будзе на тым жа ўзроўні, што і на дзень спынення паўнамоцтваў першай асобы. Яно павінна быць пажыццёвым.

Фінансы

Экс-прэзідэнту будуць выплачваць такое ж грашовае ўтрыманне, якое было ў яго на пасадзе кіраўніка дзяржавы. Гэта гарантуецца незалежна ад таго, ці ёсць у яго іншыя крыніцы даходу.

Пасля смерці былога прэзідэнта кожнаму з чальцоў яго сямʼі пажыццёва прызначаецца грашовае ўтрыманне, таксама незалежна ад іншых крыніц прыбытку. Яго памер, як можна зразумець з дакумента, — на ўзроўні прыжыццёвага заробку прэзідэнта.

Былому прэзідэнту перадаецца ва ўласнасць бясплатна на выбар для пастаяннага пражывання нерухомая маёмасць, якая знаходзіцца ў дзяржаўнай уласнасці ў Беларусі, уключаючы зямельны ўчастак з размешчанымі на ім капітальнымі пабудовамі, іншай нерухомай маёмасцю, у тым ліку гаспадарчага прызначэння, а таксама рухомую маёмасць, звязаную з добраўпарадкаваннем і эксплуатацыяй нерухомай маёмасці, гаворыцца ў дакуменце. 

Былога кіраўніка краіны вызваляць ад падаходнага падатку на маёмасць, перададзеную ў яго ўласнасць.

Статус

«Прэзідэнт, які спыніў выкананне сваіх паўнамоцтваў, мае права бясплатна карыстацца заламі для афіцыйных асоб і дэлегацый аэрапортаў і аэравакзалаў, аўтавакзалаў (аўтастанцый), чыгуначных вакзалаў (станцый), рачных партоў», — адзначаецца ў дакуменце.

Таксама ён мае права мець штат памочнікаў, бясплатна карыстацца ўрадавай і спецыяльнай сувяззю на тэрыторыі краіны. Усе яго лісты і тэлеграмы апрацоўваюцца і дастаўляюцца на ўзроўні ўрадавых.

Больш падрабязна з дакументам можна азнаёміцца тут. 

Каментары67

  • Ух-ты и однако
    25.12.2023
    Однако, белорусы - щедрые и добрые люди, за то, что этот "человек" репрессирует их, пытает их, убивает их, лишил медицины, пенсии, зарплат, белорусы дают ему всё, что он хочет и даже больше.
     Но, если посмотреть в корень, по-прутковский, то все, эти плюшки ему дают русские шовинисты Беларуси назначенные этим "человеком" в ПП (палатку представителей России в Беларуси).
  • Immunität
    25.12.2023
    Самая галоўнае дасягненьне за 30 год кіраваньня - гаварашчая галава будзіт пахавана на ядзярным магільніку. Хто хочыт праверыць як жывецца тараканам - налучайцеся покуль ня позна. У першую чаргу тычыцца родным, блізкім Сонцападобнага, ну і як жаж без гэтага: бабе Лідзе, ізвеснага банкіра Падкаповіча, іво заўхоза Ніцянкова, першага енерала Шайбанава ну і лідараў запрэшчонай тэрарыстычнай арганізацыі КДБ&Company
  • Падаткаплацельшчык
    25.12.2023
    Цікава, нам прыйдзецца зараз і лукашэнку, і Ціханоўскаю так утрымліваць? Бо кожны з іх нібыта і прэзыдэнт, але не дакладна...

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць