Эканоміка11

У Беларусі знікае малдаўскае віно. Імаверна, праз палітыку

У рэдакцыю «Еўрарадыё» са скаргамі, што ў мінскіх супермаркетах напярэдадні навагодніх святаў прыкметна знізіўся выбар малдаўскага віна, звярнуліся чытачы. У даволі буйных гандлёвых сетках на выбар усяго 2-3 пазіцыі. А ў вядомай сетцы, што займаецца продажам алкаголю, віна з Малдовы наогул няма.

Фота: Andrei Pungovschi / Bloomberg via Getty Images

Паводле звестак Нацыянальнага бюро статыстыкі Малдовы, у 2022 годзе Беларусь была галоўным імпарцёрам іх віна. У нашу краіну адправілі 3,2 мільёна дэкалітраў высакароднага напою. А цяпер, здаецца, распрадаюць рэшткі.

Журналісты паспрабавалі высветліць, куды падзелася любімае многімі беларусамі віно, і ў чым прычына яго магчымага знікнення.

Пасля таго як Малдова ўзяла курс на еўраінтэграцыю, адносіны Мінска і Кішынёва прыкметна пагоршыліся. І гэта нядзіўна: прэзідэнтка Малдовы Мая Санду запрашае да сябе Святлану Ціханоўскую, з беларускай апазіцыяй падпісваюцца дакументы пра супрацоўніцтва, малдаўскія дэпутаты выказваюцца ў падтрымку палітвязняў, а краіна да канца гэтага года плануе выйсці з СНД.

Акрамя таго, Санду — адзіная з кіраўнікоў дзяржаў СНД, каго Лукашэнка не павіншаваў з Новым годам.

Відавочны канфлікт інтарэсаў, і, вядома, гэта наводзіць на думку, што рэжым помсціць дэмакратычнай Малдове, націснуўшы на асноўны прадукт імпарту — віно.

У адной з буйных гандлёвых сетак, дзе, паводле нашай чытачкі, выбар малдаўскага напою істотна скараціўся, журналісту «Еўрарадыё» паведамілі, што віно знікла з прычыны навагодніх святаў.

— Я думаю, што праз некалькі дзён віно мусіць з'явіцца зноў. А калі знікла нейкая ваша любімая марка, то вы можаце звярнуцца ў інфацэнтр, які ёсць у кожнай нашай краме. Мы звяжамся з пастаўшчыком, і, магчыма, віно зноў з'явіцца на паліцах, — расказалі на гарачай лініі гандлёвай сеткі Green.

У гандлёвай сетцы «Карона» паведамілі, што некаторыя віды віна перасталі прадавацца яшчэ з ліпеня 2023 года.

— Калі няма ў нашай краме — значыць, віна няма ў пастаўшчыка. А пастаўшчыкі даюць толькі тыя, што ёсць у іх на складзе. Магчыма, сёлета нешта зменіцца, пакуль інфармацыі канкрэтнай няма. Паспрабуйце патэлефанаваць у іншую нашу краму, можа, дзесьці ў рэштках яно і ёсць.

Значна цікавейшая сітуацыя з крамамі ўнітарнага прадпрыемства «Белмытнясэрвіс». Сама кампанія пазіцыянуе сябе як найбуйнейшы імпарцёр алкагольнай прадукцыі ў Беларусь. На іх сайце гаворыцца, што яны займаюцца пастаўкамі алкаголю наўпрост ад пастаўшчыкоў, у тым ліку з Малдовы. На гарачай лініі журналісту паведамілі, што казаць пра тое, чаму выбар малдаўскага скараціўся, не могуць — прыватная інфармацыя, аднак пасля званка ў адну з крамаў сёе-тое праяснілася.

— Малдовы ў нас няма практычна год. Рэшткі нейкія прывозілі, на складзе знайшлі, але і гэтага даўно ўжо няма. Наогул, гэта вам мусілі сказаць на кароткім нумары. Разумею, што вам падабаецца малдаўскае віно, але мы з імі не супрацоўнічаем.

Можа, з лагістыкай праблемы, можа, санкцыі нейкія, у нас няма такой інфармацыі. І гэта не толькі ў нашай краме, такое адбываецца ва ўсёй сетцы. Не выключаю, што ў рэгіёнах ёсць рэшткі, дакладна вам сказаць не магу, — расказалі журналісту ў адной з крамаў.

Падобная гісторыя, здаецца, адбываецца і з сеткай алкамаркетаў «Сем пятніц». У адной з крамаў паведамілі, што апошнім часам у продаж паступаў толькі глінтвейн з Малдовы, а апошняя партыя віна была ў лістападзе.

— Паставак пакуль няма, калі будуць новыя — незразумела, — сказала супрацоўніца крамы.

На Мінскім заводзе пеністых вінаў, дзе раней разлівалі напой з Малдовы, перасталі гэта рабіць, аднак на аснове малдаўскай сыравіны вырабляюць уласнае віно.

— Мы прывозім адтуль толькі сыравіну, а тут разліваем. Канкрэтна віна не прывозім ужо досыць даўно. У асноўным гэта звязана з лагістыкай, але ёсць і іншыя нюансы.

Журналісты звязаліся з адным з найбуйнейшых вытворцаў віна ў Малдове — вінакурняй «Крыкава», вядомай сваім прадуктам яшчэ з часоў СССР.

У кампаніі расказалі, што экспарт віна ў Беларусь сапраўды істотна скараціўся. І прычына не ў санкцыях і нават не ў лагістыцы.

— У параўнанні з 2022 годам пастаўкі ў Беларусь сур'ёзна знізіліся. Усё гэта праз імпартныя квоты, якія вырашыла ўвесці беларуская дзяржава. Яны могуць як павышаць квоты, так і зніжаць, таму прадукцыя знікае з прылаўкаў.

Так, працаваць з Беларуссю мы ўсё яшчэ працягваем, але не ў такіх аб'ёмах, як раней. Квоты выстаўляюцца раз на паўгода, наступным разам гэта адбудзецца ў чэрвені, тады і паглядзім, можа, нешта і зменіцца, — патлумачыў прадстаўнік кампаніі.

А вось у беларускім прадстаўніцтве кампаніі сказалі, што выбар віна павялічыцца, трэба проста пачакаць.

Так ці інакш, скарачэнне паставак высакароднага напою з сонечнай Малдовы ёсць, што ўжо адчуў на сабе беларускі спажывец. Чаму Беларусь уводзіць квоты на іх віно, не зусім зразумела. Эканаміст Валянцін Сакалоўскі дапусціў, што гэта звязана з карупцыйнай схемай па дзяльбе гэтых самых квот.

Каментары1

  • Янка
    04.01.2024
    Бырла - наша ўсё!

Цяпер чытаюць

Ці пагражае Крыму блакада праз паралізаваны Крымскі мост?6

Ці пагражае Крыму блакада праз паралізаваны Крымскі мост?

Усе навіны →
Усе навіны

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

больш чытаных навін
больш лайканых навін

Ці пагражае Крыму блакада праз паралізаваны Крымскі мост?6

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць