Грамадства4242

На прыёме ў прэзідэнта Дуды сабраўся ўвесь цвет беларускай апазіцыі ФОТА

Кіраўніку польскай дзяржавы ўдалося сабраць у Прэзідэнцкім палацы лідараў эміграцыйных асяродкаў беларускай апазіцыі, якія непрымірыма дыскутуюць між сабою.

Сустрэча прэзідэнта Польшча Анджэя Дуды з прадстаўнікамі беларускай грамадскасці. Фота: prezydent.pl

Анджэй Дуда трэці год запар сустракаўся з прадстаўнікамі беларускай апазіцыі ў сваёй варшаўскай рэзідэнцыі 9 студзеня. На сайце прэзідэнта Польшчы сустрэча названая «калядна-навагодняй».

Сярод запрошаных у Прэзідэнцкі палац, акрамя дэмакратычнай лідаркі Святланы Ціханоўскай, былі кіраўнікі Народнага антыкрызіснага ўпраўлення Павел Латушка ды апарату Аб’яднанага пераходнага кабінета Валерый Мацкевіч.

Прысутнічалі прадстаўнікі кабінета: у пытаннях абароны і нацыянальнай бяспекі Валер Сахашчык ды замежных спраў Валер Кавалеўскі.

Таксама былі пазаштатны дарадца Ціханоўскай Аляксандр Мілінкевіч ды сябра Каардынацыйнай рады і старшыня руху «За свабоду» Юрый Губарэвіч.

У грамадзе прысутных засвяціліся лідар руху «Вольная Беларусь» Зянон Пазняк і кіраўнік Цэнтра палітычнага аналізу і прагнозу Павел Усаў.

Лідары эміграцыйных асяродкаў беларускай апазіцыі на сустрэчы з прэзідэнтам Анджэем Дудам. Фота: сацыяльныя сеткі

Заўважаны быў Іван Краўцоў, паплечнік экс-кандыдата ў прэзідэнты Віктара Бабарыкі і сябра аргкамітэту партыі «Разам».

Сярод запрошаных былі журналісты і актывісты беларускай дыяспары ў Польшчы.

На сустрэчы, якую лукашэнкаўцы назвалі «перапісам грантасосаў» Анджэй Дуда запэўніў сваіх беларускіх гасцей, што заўсёды будзе «падтрымліваць Беларусь і тых, хто жыве ў свабоднай Беларусі, у іх імкненні дасягнуць поўнай свабоды і незалежнасці», пакуль рэжым Лукашэнкі не абрынецца.

«Я глыбока веру, што прыйдзе час, калі мы ўсе разам будзем атрымліваць асалоду ад свабоды, поўнай незалежнасці і суверэнітэту; калі мы зможам свабодна сустракацца як у Беларусі, так і ў Польшчы, перасякаць нашу агульную мяжу ў любы момант, не баючыся апынуцца ў турме, затрыманымі або трапіць пад пераслед, — падкрэсліў польскі прэзідэнт.

У асяроддзі беларускай апазіцыі кажуць, што сустрэчы з Прэзідэнтам Польшчы праводзяцца як сімвал маральнай і палітычнай падтрымкі, а таксама салідарнасці з дэмакратычнай супольнасцю Беларусі і тымі, хто змагаецца за перамены ў краіне.

Пасля падзеяў 2020 году Польшча прыняла дзясяткі тысяч беларускіх уцекачоў.

Беларуская дыяспара вырасла да 116 000 чалавек (сакавік 2023 года — «НН»). Беларусы на чужыне намагаюцца весці актыўнае беларускае жыццё.

Для ўзаемадзеяння з беларускай апазіцыяй польскія ўлады прызначылі былога амбасадара Польшчы ў Беларусі Артура Міхальскага — упаўнаважаным міністра замежных спраў па супрацоўніцтве з дэмакратычнымі сіламі Беларусі.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

У Беларусі будзе свой Мандэла, ці свой Валэнса, ці свой Гавэл? Адказваюць Алексіевіч, Латушка, добраахвотнік…

Пра Бабарыку, планы Лукашэнкі, звар’яцелую Расію, Прыгожына і рэпарацыі для Украіны. «Ток» з Арцёмам Шрайбманам

Пазняк: Я паспрыяў Сахашчыку, даў яму шмат авансаў. На жаль, ён іх не апраўдаў

Ціханоўская асадзіла прадстаўніка НАУ Паўла Усава

Каментары42

  • Бабуля-сектантка-бывшая-лукашистка
    10.01.2024
    Ой вы паглядзіце, там дажэ божы дар на фота.
  • Святой дух
    10.01.2024
    Сын российской коррупционерки это новая подпись кабинетного Ковалевского.
  • добже
    10.01.2024
    Очень правильно что пригласили всех. Поляки молодцы

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю82

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць