Свет3636

У Расіі выстройваюцца чэргі, каб падпісацца за кандыдата Надзеждзіна

Тэлеканал «Дождь» выставіў ролік, з якога відаць, як у розных гарадах Расіі людзі выстройваюцца ў чэргі, каб падпісацца за вылучэнне кандыдатам у прэзідэнты прадстаўніка партыі «Грамадзянская ініцыятыва» 60-гадовага Барыса Надзеждзіна, які падкрэслівае сваю антываенную пазіцыю.

Барыс Надзеждзін здаўна вядомы сваімі ліберальнымі поглядамі, у свой час быў адным з паплечнікаў Барыса Нямцова. У 2000—2003 гадах быў дэпутатам Дзярждумы ад Саюза правых сіл. 

Прайграўшы чарговыя парламенцкія выбары ў 2003 годзе, ён засяродзіўся на выкладчыцкай дзейнасці ў Маскоўскім фізіка-тэхнічным інстытуце, але не пакідаў і палітыку. Удзельнічаў у палітычных праектах Міхаіла Хадаркоўскага, Міхаіла Прохарава, Аляксея Кудрына.

Барыс Надзеждзін

У 2012 годзе стаў даверанай асобай лідара «Справядлівай Расіі» Сяргея Міронава на прэзідэнцкіх выбарах, у 2021-м балатаваўся ад гэтай партыі ў Дзярждуму, але не прайшоў. Аднак раней, у 2019 годзе, стаў ад «Справядлівай Расіі» дэпутатам аднаго з маскоўскіх муніцыпальных саветаў і нават узначальваў там партыйную фракцыю, хоць сам у партыю не ўступаў.

У 2023 годзе спрабаваў прабіцца на выбары губернатара Маскоўскай вобласці ад партыі «Грамадзянская ініцыятыва», але не здолеў сабраць неабходную колькасць подпісаў муніцыпальных дэпутатаў. А 23 снежня 2023-га вылучаны ад партыі кандыдатам у прэзідэнты, і ягоная ініцыятыўная група была зарэгістраваная.

За паўгода да гэтага, 7 мая 2023 года, у эфіры федэральнага тэлеканала «НТВ» Надзеждзін сказаў: «Пры цяперашнім палітычным рэжыме нам не свеціць вярнуцца ў Еўропу. Трэба проста выбраць іншае кіраўніцтва краіны, якое спыніць гэтую гісторыю з Украінай».

Для ўдзелу ў выбарах у якасці зарэгістраванага кандыдата па расійскіх законах трэба сабраць подпісы 100 тысяч чалавек.

Каментары36

  • ром
    20.01.2024
    Нужно вооружаться а не в очереди стоять…
    Да еще ботинки снимайте когда на лавку будете вставать))
    Пс..А вот им сложнее..бежать некуда в отличие от невероятных)
  • Пyдж
    20.01.2024
    Добры касплэй беларускіх ідэй ад расейцаў.
    Таксама як бела-блакітна-белы сцяг
    Таксама як гэтая "Дунцова"
    Але нагадаю -- расейскае грамадства хворае, там 80% цемрашальных за забойства ўкраінцаў, астатнія -- "мы за мір, но не всё так однозначно, поможем нашім мальчікам".
    Уся іхняя "апазіцыя" нават нікуды не з'язджае, ўявіце сабе! Максімум, што ім робяць, гэта плашку "інагента". Кандыдаты так званыя, відавочна, фээсбэшныя.
    На ўсю 140 мільённую краіну пару сотняў палітзэкаў, у нас на 8 мільёнаў тым часам афіцыйна паўтары тысячы, а яшчэ колькі не прызнаныя (як мой сусед, які сядзіць за абразу лукашэнкі, а ў спісах яго няма), а колькіх пазвальнялі з працы, а колькі з'ехала. Нацыя літаральна вынішчаецца.
    Таму уся расейская так званая "палітычная барацьба" -- дзіцячы садок ды цырк на дроце, толькі адцягвае ўвагу ад злачынстваў кдбэшна-фээсбэшных рэжымаў ва Ўкраіне і Беларусі. Усе гэтыя лібералы ў белых паліто -- тыя самыя імперцы.

  • Бакунович
    20.01.2024
    Та же история, что была у нас в 20-м году

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць