Усяго патроху

Паглядзіце фота ўпершыню выяўленага глыбакаводнага васьмінога і яго чароўных іншапланетных дзяцей

Каманда навукоўцаў, якія працуюць ля ўзбярэжжа Коста-Рыкі, ідэнтыфікавала чатыры раней невядомыя віды глыбакаводных васьміногаў у раёне гідратэрмальных крыніц на дне акіяна.

Нараджэнне васьмінога з групы яек у «яслях» ля падводнай гары Tengosed / Фота: Schmidt Ocean Institute

Разнастайнасць і прыгажосць жыцця на нашай планеце не перастаюць уражваць. Міжнародная навуковая група з Schmidt Ocean Institute выявіла як мінімум чатыры новыя віды глыбакаводных васьміногаў падчас дзвюх экспедыцый у 2023 годзе, падчас якіх навукоўцы даследавалі падводныя горы ля ціхаакіянскага ўзбярэжжа Коста-Рыкі.

Фота: Schmidt Ocean Institute

Падчас сваёй першай экспедыцыі ў чэрвені 2023 года каманда знайшла два «дзіцячыя садочкі», звязаныя з гідратэрмальнымі крыніцамі. Праз паўгода навукоўцы вярнуліся да гэтых васьміногавых ясляў і пераканаліся, што яны, здаецца, актыўныя круглы год. Таксама даследчыкі назіралі некалькі іншых новых відаў васьміногаў удалечыні ад гідратэрмальных крыніц.

Нованароджаны васьміног здзяйсняе адно са сваіх першых плаванняў у жыцці / Фота: Schmidt Ocean Institute

Адзін з новых васьміногаў з'яўляецца прадстаўніком глыбакаводнага роду Muusoctopus. Яго вырашылі назваць Dorado Octopus у гонар першапачатковага месца адкрыцця — невялікага агалення скалы, якая неафіцыйна завецца El Dorado Hill. Астатнія тры з выяўленых новых відаў усё яшчэ апісваюцца камандай.

Маці-васьміногі часта скручваюцца шчупальцамі і прысоскамі вонкі. Даследчыкі мяркуюць, што гэта абарончая пазіцыя супраць драпежнікаў. Пасля таго, як самка васьмінога адкладае яйкі, яна заўсёды даглядае іх: увесь час вентылюе, прамываючы струменем вады; прыбірае староннія прадметы і бруд. На працягу ўсяго перыяду развіцця яек самка застаецца ля гнязда без ежы і таму амаль заўсёды памірае пасля вылуплення моладзі. Самкі глыбакаводных васьміногаў могуць праводзіць побач з кладкай некалькі гадоў, бо з-за нізкай тэмпературы вады развіццё яек адбываецца асабліва доўга / Фота: Schmidt Ocean Institute

Пакуль даследчыкі назіралі, як толькі менавіта Dorado адкладваў яйкі ў гідратэрмальных крыніцах. Адкрыццё дадае доказы таго, што род Muusoctopus эвалюцыянаваў так, каб адкладаць яйкі ў цёплых крыніцах на марскім дне.

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць