Грамадства

У Драгічыне затрымалі былога журналіста і палітвязня Сяргея Гардзіевіча

Паводле папярэдніх звестак, 24 студзеня быў затрыманы былы карэспандэнт незалежнага сайта «Першы рэгіён» Сяргей Гардзіевіч з Драгічына, паведамляе Беларуская асацыяцыя журналістаў. Яго абінавачваюць у «распаўсюдзе, вырабе, захоўванні інфармацыйнай прадукцыі, якая змяшчае заклікі да экстрэмісцкай дзейнасці» (артыкул 19.11 КаАП РБ). Іншых падрабязнасцяў пакуль няма.

Сяргей Гардзіевіч працаваў на інтэрнэт-выданне «Першы рэгіён», пакуль не быў затрыманы напрыканцы 2020 года. Яго абвінавацілі ў абразе прадстаўнікоў улады ў сувязі з выкананнем імі службовых абавязкаў (артыкул 369 Крымінальнага кодэкса), у распаўсюдзе загадзя хлуслівых і зневажальных іншых асоб звестак (паклёп), якія змяшчаюць абвінавачванне ў здзяйсненні цяжкага злачынства (артыкул 188) і публічнай абразе «прэзідэнта Рэспублікі Беларусь» (частка 1 артыкула 368).

Некаторы час да суда Сяргея Гардзіевіча трымалі пад хатнім арыштам, а 2 жніўня 2021 года суддзя Іванаўскага раёна Генадзь Кудласевіч прызначыў журналісту пакаранне ў выглядзе пазбаўлення волі тэрмінам на 1 год 6 месяцаў ва ўмовах агульнага рэжыму. Пасля гэтага Сяргея Гардзіевіча прызналі палітвязнем, а сваё пакаранне ён адбываў у папраўчай калоніі №17 у Шклове. Тэрмін зняволення для драгічынскага журналіста скончыўся 27 кастрычніка 2022 года.

У лістападзе 2022 года журналіста дадалі ў спіс «экстрэмістаў». 

Летась у верасні Сяргей Гардзіевіч быў затрыманы ў пункту пропуску «Брэст», калі вяртаўся з Польшчы ў Беларусь. На мяжы ў былога журналіста вырашылі праверыць мабільны тэлефон, а пасля склалі пратакол паводле таго самага «экстрэмісцкага» артыкула 19.11 КаАП. Сяргей Гардзіевіч быў арыштаваны на 15 сутак.

@nashaniva 70 жанчын затрымалі ў Брэсце #беларус #беларусь #минск #брест #милициябеларуси #нашаніва #беларусьсейчас #навіны #новостибеларуси #беларусьновости #барановичи ♬ оригинальный звук - Наша Ніва. Навіны

Каментары

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць