Свет11

На Алімпіяду ў Парыжы можа патрапіць лёгкаатлетка з Беларусі. Але неабходны дазвол Дуды

Беларуская скакуха ў вышыню Марыя Жодзік мае ўсе шанцы адправіцца на летнюю Алімпіяду ў Парыжы ў складзе зборнай Польшчы. Што для гэтага патрэбна, спартоўка расказала парталу Onet.

Марыя Жодзік. Фота: інстаграм спартоўкі

Па словах 27-гадовай беларускай лёгкаатлеткі Марыі Жодзік, якая з 2022 года знаходзіцца ў Польшчы, яна зможа ўдзельнічаць у летняй Алімпіядзе-2024 у Парыжы, калі будзе адабраная ў польскую алімпійскую зборную перад пачаткам спаборніцтваў.

Але для гэтага неабходна выканаць некалькі ўмоў — хутчэй атрымаць польскае грамадзянства і скараціць спартыўны льготны перыяд, каб паспець здаць алімпійскі мінімум.

«Я падала заяву на атрыманне польскага пашпарта на імя прэзідэнта Польшчы яшчэ ў кастрычніку 2023 года і спадзяюся, што яна будзе задаволеная. У сувязі з магчымай зменай грамадзянства, мой спартыўны льготны перыяд скончыцца толькі 21 чэрвеня, і я павінна (у складзе польскай алімпійскай зборнай — «НН») дасягнуць неабходнага алімпійскага мінімуму ў 1,97 метраў скачку да 30 чэрвеня», — распавяла Марыя Жодзік парталу Onet.

Улічваючы, што для дасягнення алімпійскага мінімуму можа застацца ўсяго толькі тыдзень, а Алімпіяда пачнецца 26 чэрвеня, дзяўчына рызыкуе проста не паспець патрапіць на спаборніцтвы.

Пры гэтым трэнер спартоўкі Роберт Назаркевіч настроены аптымістычна.

«Можна чакаць, што прэзідэнт Дуда задаволіць заяўку Марыі, тым больш, што яе кандыдатуру актыўна прасоўвае Польская асацыяцыя лёгкай атлетыкі. Таксама магчыма скараціць пераходны перыяд праз спецыяльнае рашэнне Міжнароднай асацыяцыі лёгкаатлетычных федэрацый (World Athletics). Калі Дуда і World Athletics паспяшаюцца, то Марыя будзе ўдзельнічаць у Алімпіядзе», — адзначыў Назаркевіч.

Роберт Назаркевіч і Марыя Жодзік. Фота: Onet.pl

Як піша Onet, Марыя Жодзік летась была прызнана найлепшай лёгкаатлеткай на чэмпіянаце краіны ў Познані, скокнуўшы ў вышыню на 1,94 метра. А ў 2021 годзе заняла другое месца на чэмпіянаце Беларусі па скачках у вышыню з вынікам 1,96 метра, аднак не была дапушчаная на Алімпіяду ў Токіа з-за недастатковай колькасці здадзеных допінг-тэстаў.

Цяпер дзяўчына жыве ў Беластоку. Перад знаёмствам з Робертам Назаркевічам яна працавала ў Макдональдсе.

За свой час знаходжання ў Польшчы Марыя двойчы наведвала сваю сям'ю ў Баранавічах, дзе апроч маці і бацькі жывуць яе малодшыя брат і сястра. Бабуля і дзядуля спартоўкі мелі польскае паходжанне.

Па прызнанні дзяўчыны, яна хоча мець такія ж перспектывы ў польскім спорце, як і Крысціна Ціманоўская.

Каментары1

  • Вядзьмар
    27.01.2024
    Малайчына! Посьпехаў табе!

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць